Янгиликлар

Voyaga yetmagan shaxslarning huquqlari — jamiyat e’tiborida

---

Voyaga yetmagan shaxslarning huquqlari — jamiyat e’tiborida

Voyaga yetmagan shaxslar, ya’ni 18 yoshga to‘lmagan bolalar va o‘smirlar jamiyatning alohida himoyaga muhtoj qatlamidir. Ularning huquq va erkinliklarini ta’minlash har bir davlatning muhim vazifalaridan biri hisoblanadi. Chunki yosh avlodning huquqlari himoyalangan jamiyatgina sog‘lom va barqaror rivojlanadi.
O‘zbekiston Respublikasida voyaga yetmagan shaxslarning huquqlari Konstitutsiya, “Bola huquqlari kafolatlari to‘g‘risida”gi Qonun hamda xalqaro hujjatlar asosida mustahkamlangan. Har bir bola yashash, ism va fuqarolikka ega bo‘lish, oilada tarbiyalanish huquqiga egadir. Davlat bolalarning sha’ni va qadr-qimmatini himoya qiladi.
Voyaga yetmagan shaxslarning asosiy huquqlaridan biri — ta’lim olish huquqidir. Har bir bola bepul umumiy ta’lim olish, bilim va kasb-hunar egallash imkoniyatiga ega. Shuningdek, sog‘lig‘ini saqlash, tibbiy yordamdan foydalanish va xavfsiz muhitda yashash huquqlari ham kafolatlanadi.
Bolalar zo‘ravonlik, kamsitish, majburiy mehnat va ekspluatatsiyadan himoyalanish huquqiga egadirlar. Qonunchilikka ko‘ra, voyaga yetmagan shaxslarning mehnat qilishi faqat belgilangan yoshdan boshlab va sog‘lig‘iga zarar yetkazmaydigan sharoitlarda ruxsat etiladi.
Xulosa qilib aytganda, voyaga yetmagan shaxslarning huquqlarini ta’minlash — bu davlat bilan bir qatorda ota-onalar, ta’lim muassasalari va butun jamiyatning umumiy burchidir. Har bir bolaning huquqi hurmat qilinadigan jamiyatda adolat, tinchlik va kelajak taraqqiyoti ta’minlanadi.

Qoraqalpog‘iston Respublikasi Adliya vazirligi
bosh maslahatchisi  M.Xaytbayev

---