Янгиликлар
23
Salıq qatnasıqların shólkemlestiriwde jańasha qatnas qollanıladı
Salıq qatnasıqların shólkemlestiriwde jańasha qatnas qollanıladı
Qararǵa bola, 2026-jıl 1-yanvardan "Ashıq byudjet" portalında fizikalıq shaxslar tárepinen tólengen salıqlar esabınan ámelge asırılatuǵın byudjet qárejetleri maǵlıwmatların ózinde sáwlelendiriwshi "Fizikalıq shaxslardıń salıqları esabınan qárejetler" moduli iske qosıladı.
Bunda tómendegiler turaqlı túrde járiyalanıp barıladı:
fizikalıq shaxs tárepinen belgili bir dáwirde tólengen dáramat salıǵı, múlk salıǵı hám jer salıǵı haqqındaǵı maǵlıwmat;
tólengen salıqlar esabınan Mámleketlik byudjetten ámelge asırılǵan qárejetler haqqındaǵı maǵlıwmatlar.
2026-jıl 1-yanvardan Namanganda jańa salıq basqarıwı modelin engiziw boyınsha tómendegilerdi názerde tutqan halda eksperiment ótkeriledi:
▪️ fizikalıq shaxslardan alınatuǵın mal-múlk hám (yamasa) jer salıǵı boyınsha 1 mln sumnan asqan salıq qarızdarlıǵın óndiriwde elektr energiyasınıń billing sisteması mexanizminen paydalanıwdı engiziw;
▪️ salıq uyımları jumısın bahalawda insan faktorı tásirisiz avtomat túrde qáliplesetuǵın eń áhmietli nátiyjelilik kórsetkishlerin engiziwdi sistemalı dawam ettiriw.
2026-jıl 1-yanvardan fizikalıq shaxslar tárepinen kóshpes múlklerdi ijaraǵa beriwden alınǵan dáramat boyınsha tólengen salıq tolıq muǵdarda múlk jaylasqan rayon (qala) jergilikli byudjetlerine qaratıladı.
Qaraqalpaqstan Respublikası Ádillik ministrligi
sektor baslıǵı E.Gaypov