Янгиликлар
23
Isbilermenlik jumısına tiykarsız aralasıwlar saplastırıladı
Isbilermenlik jumısına tiykarsız aralasıwlar saplastırıladı
Pármanǵa bola, 2026-jıl 1-iyuldan baslap basqıshpa-basqısh qadaǵalawshı uyımlar tárepinen usı Pármanda kórsetilgen jaǵdaylar boyınsha isbilermenlik subektlerinde ótkeriletuǵın tekseriwler bodi-kamera járdeminde ámelge asırıladı.
2026 jıl 1-yanvardan:
import etilgen azıq-awqat ónimleriniń 9 ay (gósh hám miywe-palız ónimleriniń 3 ay) dawamında satılmaǵanlıǵı hám bahası BEMnıń 500 esesinen artıq bolǵan bul ónimlerdiń qaldıqta turǵanlıǵı jaǵdayı kóshpeli salıq tekseriwin ótkeriw ushın tiykar bolıp esaplanadı;
kóshpes múlk obektleri hám qurılıs materialları boyınsha salıq bazası usı tovarlardıń bazar bahasınan kelip shıǵıp anıqlanadı;
Ózbekstan aymaǵında fizikalıq shaxslarǵa elektron túrde xızmet kórsetiwshi hám tovarlar satıwshı sırt el yuridikalıq shaxsları salıq uyımında dizimnen ótpesten jumıs alıp barıp atırǵanı anıqlanıp, dizimnen ótiw haqqında xabarnama jiberilgennen keyin 30 kún ishinde dizimnen ótpese, usı yuridikalıq shaxslardıń Ózbekstandaǵı jumısı sheklenedi;
kameral salıq tekseriwin ótkeriwde salıq uyımları anıqlaǵan ayırmashılıqtı tiykarlaw ushın salıq tólewshiler tárepinen qosımsha hújjetler usınılǵanda salıq uyımları tárepinen olardıń kórip shıǵılıwı májbúriy esaplanadı.
Qaraqalpaqstan Respublikası Ádillik ministrligi
sektor baslıǵı A.Abdikadirova