Янгиликлар
10
BIZNESTI 15-MINUTTA BASLAW
Mámleketimizde isbilermenlikti qollap-quwatlaw, investiciyalıq ortalıqtı jaqsılaw, hám biznes júritiw ushın qolaylı shárt-shárayatlar jaratıwda dawamlı is-ilájlar ámelge asırılıp kelinbekte. Ásirese, licenziyalaw hám ruxsat beriw tártip-qaǵıydaların ápiwayılastırıw, artıqsha byurokratik talaplardı qısqartıw hám mámleketlik xızmetlerdi sanlastırıw búgingi kúnniń tiykarǵı jónelislerinen biri esaplanadı.
Ózbekstan Respublikası Prezidentiniń 2025-jıl 14-noyabrdegı “Biznes júritiwdi hámde litsenziyalaw hám ruxsat beriw tártip qaǵıydaların ápiwayılastırıwǵa baylanıslı náwbettegi is-ilájlar haqqında”ǵı Parmanı qabıl etildi, bunda isbilermenlerdiń hákimshilik qárejetlerin 90 mlrd sumǵa shekem qısqartırıw, sonıń menen birge mámleketlik uyımlar menen óz-ara birge islesiw prosesinde 85 kúnge shekem waqıttı tejew tiykarǵı maqset etip belgilengendi.
2026-jıl 1-yanvardan baslap «Biznesti 15 minutta baslaw» printsipi tiykarında isbilermenlik subektlerin mámleketlik dizimnen otkeriwde bir waqıttıń ózinde tómendegi xızmetlerdi kórsetiw tártibi;
– ESI qol tańbaların beriw;
– bank esap betlerin ashıw hám onı paydalanıw;
– litsenziya, ruxsatnama alıw yaki xabarnama jiberiw;
– kóshpes múlk ijara shartnomasın rásmiylestiriw;
– qosılǵan payda salıǵı guwalıǵın alıw;
– onlayn baqlaw-kassa mashinalarin alıw hám dizimnen ótkeriw;
– yuridikalıq shaxsqa direktor tayınlaw hám onı málimleme sistemada esapqa qoyıw.
“Biznesti 15-minutta baslaw” principi sheńberinde tómendegiler belgilendi:
(a) har bir xızmet isbilermenlik subyektiniń tańlawı tiykarında ıqtıyarıy túrde kórsetiledi;
(b) tańlanǵan xızmetler boyınsha birden-bir QR kod arqalı tólem ámelge asırıw múmkinshiligi jaratıladı.
2026-jıl 1-yanvardan baslap:
(a) jeke tártiptegi isbilermenlerge firmalıq atına iye bolıwǵa ruxsat beriledi;
(b) isbilermenlik subektleriniń birlemshi maǵlıwmatları (atı, familyası, ákesiniń atı, firma atı, mánzili, shólkemlestiriw huqıqıy forması h.t.b.) ózgergende bul maǵlıwmatlar boyınsha ózgertiriwler jeke tártiptegi isbilermen guwalıǵına, licenziya, ruxsatnama hám xabarnamalarǵa avtomatik tárizde mekemeler aralıq elektron birge islesiw jolı menen biypul kiritiledi. Bunda:
(I) jeke tártiptegi isbilermenniń atı, familyası hám ákesiniń atı ózgergenligi haqqındaǵı maǵlıwmatlar - ishki isler ministrliginiń "ID-karta" avtomatlastırılǵan málimleme sistemasınan;
(II) basqa maǵlıwmatlar-isbilermenlik subyektlerin mámleketlik dizimnen ótkeriw hám esapqa qoyıwdıń avtomatlastırılǵan sistemasınan belgilengen tártipte real waqıt rejiminde "Litsenziya" málimleme sistemasına usınıladı.
Bunnan tısqarı 2026-jıldiń 1-mart sánesinen baslap "Litsenziya" málimleme sistemasında litsenziya hám ruxsat beriw xuqıqına iye hújjetlerdi alıwda tómendegilerdi názerde tutatuǵın ıqtıyarıy dáslepki bahalaw xızmeti jolǵa qoyıladı:
(a) dáslepki bahalaw sheńberinde talapker litsenziya yamasa ruxsatnama alıw ushın satıp alıwdı (jallawdı) rejelestirgen jay-imáratlar, materiallıq-texnikalıq bazası, ásbap-úskeneler, xızmetkerler haqqındaǵı hámde basqa maǵlıwmatlar litsenziya hám ruxsat beriw talap hámde shártlerine sáykesligi úyreniledi hám tiyisli juwmaq beriledi;
(b) dáslepki bahalaw xızmeti 20 kúnnen aspaǵan múddette kórsetiledi hám tiyisli litsenziya yaki ruxsat beriw huqıqına iye hújjetti beriwde arzanı kórip shıqqanlıq ushın tólenetuǵın jıyımnan artıq bolmaǵan muǵdarda tólem óndiriledi.
Mámleketlik xızmetler orayları
hám PHAJ uyımları jumısın muwapıqlastırıw
sektorı baslıǵı A.Ixlasov