Янгиликлар
28
Qanaatlanǵan múrájat
Nókis qalası ádillik bólimine puqara J.Kdan, óziniń Ózbekstan Respublikası aymaǵında 2004-jıldan berli jasaytuǵınlıǵın, biraq Ózbekstan Respublikası puqaralıǵın alıwda mashqalalar júzege kelip atırǵanlıǵın, puqaralıq alıw ushın óziniń 2004-jıldan baslap Ózbekstan Respublikası aymaǵında jasaǵanlıq faktın sud arqalı belgilewde ámeliy járdem beriwdi sorap jollaǵan múrájatı kelip túsedi.
Múrájattı uyreniw dawamında, sonıń menen birge toplanǵan hújjetlerden puqara J.Knıń haqıyqatındada atap ótilgen waqıttan baslap Ózbekstan Respublikası aymaǵında jasap kiyatırǵanlıǵı málim boldı.
Ózbekstan Respublikası Joqarı sudı plenumınıń 1991-jıl 20-dekabr kúngi “Yuridik áhmiyetke iye bolǵan faktlerdi anıqlaw haqqındaǵı isler boyınsha sud ámeliyatı haqqında”ǵı Qararınıń 2-bántinde sud yuridik áhmiyetke iye bolǵan basqa faktlerdida, eger bul nızam menen basqa organnıń wákilligine berilmegen bolsa, anıqlawǵa haqlı.
Yaǵnıy, sud:
…shet mámleket puqaralıǵında bolmaǵan shaxstıń Ózbekstan Respublikasında turaqlı jasaw jeri boyınsha dizimge alınǵanlıǵın tastıyıqlawshı hújjetleri bar bolmaǵan jaǵdaylarda Ózbekstan Respublikasında turaqlı jasaǵanlıq faktın tastıyıqlawı múmkin dep belgilengen.
Joqarıda belgilep qoyılǵanlarǵa tiykarlanıp, ádillik bólimi tárepinen puqaralıq isleri boyınsha Nókis rayonlar aralıq sudına puqara J.Knın mápin gózlegen halda, puqaranıń 2004-jıldan baslap Ózbekstan Respublikasında jasaǵanlıq faktın belgilew boyınsha arza kiritildi.
Ádillik bólimi tárepinen kiritilgen arza sudtıń 2025-jıl 21-may kúngi sheshiwshi qararı menen qanaatlandırılıp, puqara J.Knıń 2004-jıldan usı kúnge shekem Ózbekstan Respublikasında jasaǵanlıq faktı belgilendi.
Soniń menen birge, puqaranıń jasaǵanlıq faktı sud arqalı tastıyıqlanǵannan soń, puqaraǵa shaxsın tastıyıqlawshı hújjet alıwǵa hám de sol arqalı pensiyaǵa shıǵıwǵa imkaniyat jaratıldı.
Nókis qalası
ádillik bólimi baslıǵı O.Djumaniyazov