Янгиликлар
27
Jumıs waqıtınıń qısqartılǵan dawamlılıǵı kimlerge belgilenedi?
Jumıs waqıtınıń qısqartılǵan dawamlılıǵı kimlerge belgilenedi?
Ayırım kategoriyadaǵı xızmetkerler ushın olardıń jası, densawlıǵınıń jaǵdayı, miynet sharayatları, miynet wazıypalarınıń ózine tán ózgeshelikleri hám basqa jaǵdaylar esapqa alınǵan túrde nızamshılıqqa hám miynet haqqındaǵı basqa da huqıqıy hújjetlerge, sonıń ishinde, miynet shártnamasınıń shártlerine muwapıq miynetke tólenetuǵın haqını azaytpaǵan túrde jumıs waqtınıń qısqartılǵan dawamlılıǵı belgilenedi.
Ózbekstan Respublikası Miynet kodeksiniń 183-statyasına muwapıq jumıs waqtınıń qısqartılǵan dawamlılıǵı on segiz jasqa tolmaǵan xızmetkerlerge, I hám II topar mayıplıǵı bolǵan xızmetkerlerge, qolaysız miynet sharayatlarındaǵı jumıslarda bánt bolǵan xızmetkerlerge, jumısı joqarı dárejedegi ruwxıy, intellektuallıq, zorıǵıw menen baylanıslı bolǵan medicina xızmetkerlerine, pedagoglarǵa hám basqa topardaǵı xızmetkerlerge, úsh jasqa shekemgi balanıń byudjetten qarjılandırılatuǵın shólkemlerde isleytuǵın ata-anasınan bir-birine májbúriy tártipte belgilenedi.
Qaraózek rayonı ádillik bólimi
bas másláhátshisi Sh.Erlepesov