Янгиликлар
26
Jerlew jumısların dizimge alıw sanlastırıladı
Jerlew jumısların dizimge alıw sanlastırıladı
"Jerlew jumısların shólkemlestiriw hám esapqa alıw sistemasın jetilistiriw hám de tarawda nátiyjeli qadaǵalaw mexanizmlerin engiziw ilajları haqqında"ǵı Húkimet qararı (735-sanlı, 21.11.2025 j.) qabıl etildi.
Qararǵa bola, qaytıs bolǵan shaxslardı jerlewge ruqsat beriw hám dizimge alıwdı sanlastırıw, bul jumıslardı elektron málimleme sisteması arqalı monitoring etiwge qaratılǵan jańa elektron xızmetler engiziledi.
2026-jıl 1-iyunǵa shekem "PHAJdıń birden-bir elektron arxivi" málimleme sistemasınıń "Jerlew jumısların dizimge alıw birden-bir elektron dápteri" moduli hám onıń mobil qosımshası islep shıǵıladı.
2026-jıl 1-marttan qaytıs bolǵan shaxstıń ólimi dizimge alınǵannan keyin onıń zayıbı, ata-anası, perzentleriniń BIMXP (my.gov.uz) daǵı jeke kabinetine ólim dizimge alınǵanı haqqında QR-kodlı maǵlıwmatnama biypul jiberiledi.
Usı QR-kod túsirilgen maǵlıwmatnama gerbli gúwalıqqa teńlestiriledi.
2026-jıl 1-iyuldan 31-dekabrge shekem Tashkent qalasında eksperiment túrinde jerlew jumısların ámelge asırıwdıń tómendegi tártibi engiziledi:
???? qoyımshılıq baslıǵı (qadaǵalawshısı) tárepinen qaytıs bolǵan shaxslardı jerlewge ruqsat beriw tek ǵana elektron modul yamasa onıń mobil qosımshasınan paydalanǵan túrinde ámelge asırıladı;
???? qoyımshılıq baslıqları (qadaǵalawshıları) tárepinen jerlew jumısların dizimnen ótkeriwdi qaǵaz túrinde júrgiziw tártibi biykar etiledi.
Qaraqalpaqstan Respublikası Ádillik ministrliginiń
sektor bas másláhátshisi E.Sabirova