Янгиликлар
13
KORRUPCIYAǴA QARSI GÚRES AKTUAL MÁSELE
KORRUPCIYAǴA QARSI GÚRES AKTUAL MÁSELE
Rawajlanıwdıń jańa basqıshına qádem qoyıp atırǵan Ózbekstan ushın korrupciyanin hár qanday túrdegi kórinisi reformalardıń tezligin páseyiwi menen qáwipli.
Sol sebepli mámleketimiz basshısı Shavkat Mirziyaev óz wakilligine kirisiwi menen Prezident retinde qol qoyǵan eń birinshi hújjet «Korrupciyaǵa qarsı gúresiw haqqinda»ǵı Ózbekstan Respublikası nızamı boldı. Usı nızam normalarınıń nátiyjeli orınlanıwın támiyinlew jámiyet hám mámleket kelesheginiń barlıq tarawlarında korrupciyanıń aldın alıwǵa baylanıslı is rejelerdi óz waqtında hám sıpatlı ámelge asırıw maqsetinde Ózbekstan Respublikası Prezidenttiń 2017-jıl 2-fevraldaǵı qararı menen «2017-2018 jıllarǵa mólsherlengen korrupciyaǵa qarsı guresiw mámleket dásturi» qabıl etildi. Dástur sheńberinde bir qatar nızam joybarları islep shıǵıldı, bar bolǵanları xatlawdan ótkerildi.
Ulıwma alǵanda sonǵı jıllarda qılınǵan isler nátiyjesi, puqaralardıń huqıqıy sánesi hám huqıqıy mádeniyatin asırıwǵa, jámáatte korrupciyaǵa kelispew múnasiybetin qáliplestiriwge baylanıslı sistemalı rejeler islengenin kórsetip turıptı.
Reformalardı ámelga asırıw barısında puqaralardıń huqıq hám máplerin qorgaw, mámleket hákimiyatı hám basqarıw uyımları iskerliginiń ashkaraliǵı, jámáat hám parlament baqlawın támiyinlew mexanizmleri qáliplestirildi, sonday-aq, nızamdı qorgaw hám sud organları isleriniń nızamlı tiykarları islep shıǵıldı.
Korrupciyaǵa qarsı dúnya júzinde búgingi kúnnin eń baslı máseleleriniń biri bolip kelmekte. Bul illetke qarsı gúresiw dúnyanıń kóplep mámleketlerin qamtıp almaqta. Ózbekstan Respublikası da korrupciyaǵa qarsı gúresiwde óz úlesin qosıp kelmekte. Házirgi waqıtta respublikamızda korrupciyaǵa qarsı gúres shenberinde bir qatar dásturler qabıl qılındı hám olar boyınsha bir qansha isler ámelge asırılıp kelinbekte.
2019-jil 9-yanvardaǵı Ózbekstan Respublikası Prezidentiniń
5618-san «Jámiyette puqaralardıń huqıqıy sanasın hám huqıqıy mádeniyatin túpten jetilistiriw haqqında»ǵı pármanı tiykarinda respublikamizdıń barlıq orınlarında názerde tutılǵan basqa baslı máseleler qatarında korrupciyaǵa qarsı guresiwde puqaralardıń huqıqıy sanası hám huqıqıy mádeniyatin asırıwǵa baylanıslı pikir alısıwlar ótkerilip kelinbekte. Ásirese Taxtakópir, Qaraózek, Shımbay rayonları boylap PHAJ xizmetkerleri menen birgelikte Korrupciyaǵa qarsı guresiw barısındaǵı is-rejelerge qatnasıp kelinbekte.
Sonday-aq PHAJ bólimine múrájaat etken hár bir puqara menen jaqsı múnasiybette bolıp korrupciyanin aldın alıw boyınsha túsindiriw jumısları alıp barılmaqta.
PHAJ bólimi xizmetkerleri 24.02.2020-jili Ózbekstan Respublikası Ádillik ministrliginiń 49-um-san Ózbekstan Respublikası Adillik ministrliginiń Korrupciyaǵa qarsı gúresiw tarawın elede jetilistiriw haqqındaǵı buyrıǵına tiykar jumıs alıp barmaqtamız.
PHAJ bólimindegi paydalanǵan xizmetleri ushın tólemlerin puqaralar ózleri elektron baylanıslar tárizinde gadjetlar hám mobil telefonları arqalı ámelge asırıp kelmekte. Bul álbette xizmetkerler ushın hámde puqaralar ushında júdá qolaylı.
Biz PHAJ xizmetkerleriniń tiykargi wazıypasıda usıdan ibárat, yaǵnıy puqaralar ushın qolaylıq hám jeńillikler jaratıw.
Xojeli rayonı PHAJ bólimi baslıǵı A.Sagindikova