Янгиликлар
13
Neke shártnaması
Nekeleniwshi shaxslardıń yaki erli-zayıptıń nekede bolǵan dáwirinde yaki erli-zayıplar nekeden ajıratılǵan jaǵdayda olardıń múlkiy huqıq hám májbúriyatların belgilewshi kelisim neke shártnaması dep ataladı.
Neke shártnaması neke mámleketlik dizimge alınaman degenge shekemde, sonday-aq neke dáwirinde de dúziliwi múmkin.
Bunda, neke shártnaması nekeni mámleketlik dizimge alınǵan kúnnen baslap kúshke kiredi.
Neke shártnaması jazba túrinde dúziledi hám Notarial tártipte tastıyıqlanıw kerek.
Neke shártnamasın Notarial tastıyıqlawda mámleket bajı óndirilmeydi.
Neke shártnamasınıń mazmunı: Er hám hayal neke shártnamasına kóre birgeliktegi ulıwma múlktiń nızamda belgilengen tártibin ózgertiwge, er hám hayaldıń barlıq mal-múlkine, onıń ayırım túrlerine yamasa er hám hayaldıń hár birewiniń mal-múlkine salıstırǵanda birgeliktegi, úlesli yamasa bólek iyelik qılıw tártibin ornatıwǵa haqlı.
Neke shártnaması er hám hayaldıńbar bolǵan mal-múlkine qarata da, kelesi mal-múlkine qaratada dúziliwi múmkin.
Nókis qalası ádillik bólimi
PHAJ bólimi 1-dárejeli inspektorı D.Naurızbaeva