Янгиликлар
31
Muǵallimlerge sabaq saatların bólistiriwdiń jańa tártibi engizildi
Muǵallimlerge sabaq saatların bólistiriwdiń jańa tártibi engizildi
Mektepke shekemgi hám mektep bilimlendiriwi ministrligi, Ekonomika hám qarjı ministrligi hám Densawlıqtı saqlaw ministrliginiń qospa qararı menen “Ulıwma bilim beriw mákemelerinde klasslardı komplektlew hám tarifikaciya dizimlerin qáliplestiriw tártibi haqqında” ǵı rejege ózgerisler kirgizildi.
Rejeniń 15-bántine kirgizilgen ózgerislerge bola, ulıwma bilim beriw mákemeleri tárepinen qáliplestirilgen sabaq saatları setkası ulıwma bilim beriw mákemesiniń pedagogikalıq keńesi tárepinen eki jumıs kúni ishinde kórip shıǵılıp, hár jılı 15-sentyabrge shekem oqıtıwshılarǵa sabaq saatları tómendegi kórsetkishlerdiń tiykarǵı izbe-izligi tiykarında bólistiriliwi belgilendi:
- joqarı mamanlıq kategoriyasına iye oqıtıwshılar (pedagog kadrdıń attestaciyadan ótkeni haqqındaǵı sertifikattıń ámel etiw múddetine bola);
- sabaq beretuǵın páninen pedagog xızmetkerlerge ústeme belgilewde qollanılatuǵın milliy yaki xalıqaralıq tán alınǵan sertifikatqa iye muǵallimler (sertifikatınıń belgilengen dárejesi hám ámel etiw múddetine qaray);
- birinshi qánigelik kategoriyasına iye oqıtıwshılar (pedagog kadrdıń attestaciyadan ótkeni haqqındaǵı sertifikattıń ámel etiw múddetine bola);
- ekinshi mamanlıq kategoriyasına iye oqıtıwshılar (pedagog kadrdıń attestaciyadan ótkeni haqqındaǵı sertifikattıń ámel etiw múddetine bola);
- joqarı maǵlıwmatlı kategoriyasız oqıtıwshılar;
- qayta tayarlaw boyınsha diplomǵa iye oqıtıwshılar (oqıtıwshıda qayta tayarlaw qánigeligi boyınsha usı bánttiń ekinshi - altınshı xat basında názerde tutılǵan kórsetkishlerden biri yamasa bir neshewi bolǵanda tiyisliligine qaray tiyisli kórsetkishler bar bolǵan oqıtıwshılar menen teń ústinlikke iye boladı);
- joqarı bilimlendiriw mákemeleriniń pedagogika baǵdarı boyınsha úshinshi hám onnan joqarı kurs studentleri;
- joqarı maǵlıwmatlı muǵallimler menen támiyinlengenge shekem orta arnawlı, professional maǵlıwmatqa iye muǵallimler (tek baslawısh klasslarda sabaq beretuǵın muǵallimler ushın);
- joqarı maǵlıwmatlı muǵallimler menen támiyinlengenge shekem ulıwma bilim beriw mákemesiniń tiyisli qánigeligi boyınsha basshı xızmetkerleri.
Baslawısh klasslarda oqıtılatuǵın pánler boyınsha sabaq saatların bólistiriwde oqıtıwshılardıń baslawısh bilimlendiriw qánigeligine iyeligi yamasa tiyislisinshe usı pándi baslawısh klasslarda oqıtıw metodikası boyınsha bilim alǵanlıǵı esapqa alınadı.
Ulıwma bilim beriw mákemesiniń pedagogikalıq keńesi tárepinen sabaq saatları qayta bólistiriliwi múmkin.
Usı bántke kiritilgen ózgerisler 2026-jıldıń 1-avgustınan baslap kúshke kiredi.
Qońırat rayonı ádillik bólimi 1-sanlı PHAJ bólimi inspektorı E.F.Allamuratova