Янгиликлар
30
Mámleketlik xızmetler oraylarında joqarı oqıw orınlarģa oqıwģa kiriw ushın hújjet tapsırıw tártibi
Ózbekstan Respublikası Prezidentiniń “Joqarı oqıw orınlarına test sınaqları arqalı qabıllaw sistemasın jetilistiriw boyınsha qosımsha is-ilajlar haqqında”
2019-jıl 14-maydaǵı PQ-4319-san qararına muwapıq, 2019/2020 oqıw jılınan baslap, Ózbekstan Respublikası joqarı oqıw orınlarına oqıwǵa qabıllaw boyınsha mámleketlik komissiyası tárepinen belgilenetuǵın mámleketlik joqarı oqıw orınlarına bakalavriatqa oqıwǵa kiriw ushın abituriyentler mámleketlik xızmetler orayları yamasa birden-bir ınteraktiv mámleketlik xızmetler portalı arqalı múrájaat etiwin belgilewshi Ózbekstan Respublikası Ministrler Kabinetiniń 2019-jıl
7-iyundaǵı 468-sanlı qararı qabıllandı.
Qarar menen tastıyıqlanǵan qosımshaǵa tiykar:
Abituriyent mámleketlik xızmetlerinen paydalanıw ushın mámleketlik xızmetler orayına múrájaat etedi yamasa mámleketlik xızmetlerinen elektron tárizde paydalanıw ushın BIMXPda dizimnen ótedi. Jeńillikke iye bolǵan abituriyentler, sonıń menen birge, puqaralıǵı bolmaǵan shaxslar hám pasport jasına jetpegenler mámleketlik xızmetlerinen paydalanıw ushın oraylarǵa múrájaat etedi. Abituriyentler mámleketlik xızmetlerinen elektron tárizde paydalanıwda ózleriniń jeke kabinetleri arqalı kerekli maǵlıwmatlardı toltıradı, kerekli hújjetlerdi (pasport, diplom, attestat, jeńillikler ushın tiyisli hújjetler) elektron túrinde júkleydi hám joqarı oqıw ornın hám tálim formasın tańlaydı. Sonnan keyin, onlayn tólewdi ámelge asırıp, arzanı tastıyıqlaydı. Qabıl nátiyjeleri my.gov.uz saytında daǵazalanadı, abituriyentler bolsa bul nátiyjelerdi jeke kabinetlerinde kóriwi múmkin.
Nókis qalası ádillik bólimi
Mámleketlik xızmetler orayı
jetekshi qánigesi S.Mnajov