Янгиликлар
25
Neke shártnaması haqqında
Neke shártnaması- bul nekege kiriwshi shaxslardıń arasında mal-múlk, májbúriyat hám juwapkershilikti anıq belgilep beriwshi tiykarǵı hújjet bolıp tabıladı. Er yamasa hayal neke shártmasında óz-ara materiallıq támiynat beriw, shańaraq qárejetlerin kóteriw, bir-biriniń qárejetinde qatnasıw, basqa shaxslar menen múlkiy shártnamalar dúziw, birgelikte
isbilermenlik isi menen shuǵıllanıw boyınsha óz huqıq hám májbúriyatların belgilep alıwǵa, nekeden ajıralǵan jaǵdayda er yamasa hayaldan hár birine beriletuǵın múlkti anıqlap alıwǵa, sonday aq neke shártnamasına er yamasa hayaldıń múlkiy qatnasıqlarına tiyisli basqa shártler kiritiwine haqlı. Sońǵı waqıtları shańaraqta ajırımlar, aliment tólewden bas tartıw, shańaraǵın hám balaların kredit qarızları menen taslap ketiw jaǵdayları ushırasıp atırǵanlıǵı bul ashınarlı jaǵday. Neke shártnamasınıń abzallıǵı shanaraqta ásirese perzentlerdiń awır materiallıq awhalǵa túsip qalıwınıń aldın alıwda óz tásirin kórsetedi. Neke shártması erli-zayıplılardıń házirgi waqıtta bar bolǵan dúnya-múlki hám sonıń menen birge keleshektegi bolatuǵın dunya-múlklerine qarata da dúziliwi múmkin.
Seytjanova Jupar Turǵanbaevna Qanlıkól rayonı ádillik bólimi PHAJ
bólimi 1-dárejeli inspektorı