Янгиликлар
16
Jeńillikli pensiyaǵa shıǵıw tártibi boyınsha jańa nızam tastıyıqlandı
Jeńillikli pensiyaǵa shıǵıw tártibi boyınsha jańa nızam tastıyıqlandı
2025-jıl 10-oktyabrde Ózbekstan Respublikası Húkimetiniń 637-sanlı qararı qabıllandı. Bul qarar arqalı “Jeńillikli shártlerde pensiyaǵa shıǵıw huqıqın beretuǵın islep shıǵarıwlar, mákemeler, jumıslar, kásipler, lawazımlar hám kórsetkishlerdiń dizimine ózgertiw hám qosımshalar kirgiziw tártibi haqqında”ģı nızam tastıyıqlandı.
Qarar menen tastıyıqlanǵan jańa nızam zıyanlı hám qáwipli miynet sharayatlarında isleytuǵın puqaralarǵa jeńillikli pensiyaǵa shıǵıw huqıqın usınıs etiwshi dizimdi dúziw hám oǵan ózgertiwler kirgiziw rejimin anıq belgilep berdi. Bul hújjettiń tiykarǵı maqseti - islewshilerdıń social qorǵalıwın kúsheytiw hám ádalatlı pensiya sistemasın qáliplestiriw bolıp tabıladı.
Dizimge ózgertiw kirgiziw tártibi:
Jeńillikli pensiyaǵa shıǵıw huqıqın beretuǵın kásip, lawazım yamasa jumıs ornın dizimge kirgiziw ushın anıq tiykarlanǵan usınıslar usınıs etiledi.
Bunday usınıslar eki nusqada tayarlanadı hám olardı jumıs beriwshi menen kásiplik awqam komiteti (yamasa xızmetkerlerdiń basqa wákillik organı ) kórip shıǵadı.Usınıslar ministrlik yamasa mekemelik komissiyalarǵa jiberiledi.
Jańa nızamģa kóre, arnawlı komissiya tómendegi kriteryalar tiykarında tekseriw ótkeredi:
Jumıs jayı rejesiniń normalarǵa sáykesligi;
Texnologiyalıq processler hám úskenelerdiń jaǵdayı ;
Zıyanlı islep shıǵarıw faktorları bar ekenligi;
Jeke hám toparlıq qorǵaw qurallarınıń támiynatı ;
Miynet sharayatınıń gigiyena hám qawipsizlik talapları menen muwapıqlıǵı.
Eger kemshilikler anıqlansa, olar attestatsiya procesine shekem salıw etiliwi shárt. Jańa tártip tiykarında :
Xızmetkerler haqıyqıy zıyanlı sharayatlarda islep atirǵan bolsalar, olar belgilengen múddetten ilgeri pensiyaǵa shıǵıw huqıqına iye boladı.
Bul bolsa, den sawlıq hám turmıs sapası tómenlewiniń aldın alıwǵa, puqaralardıń social qorǵalıwın bekkemlewge xızmet etedi.
Sonıń menen birge, tártiptiń ashıqlıǵı hám anıqlıǵı, kárxana hám shólkemler tárepinen ózimshillik penen talan-taraj yetiliwiniń aldın alıwǵa kómeklesedi.
637-sanlı qarar - miynetke uqıplı xalıqtıń huqıqların qorǵaw jolında taǵı bir zárúrli qádem boldı. Bul qarar miynet sharayatların jaqsılaw, xızmetkerlerdi qollap-quwatlaw hám ádalatlı pensiya sistemasın qáliplestiriwde zárúrli rol oynaydı.
Taxtakópir rayonı ádillik bólimi
PHAJ bólimi baslıģı J.Tashimova