Янгиликлар
23
Respublika aymaqların kategoriyalarǵa ajıratıw hám isbilermenlikti qollap-quwatlawdıń gruppalastırılǵan sistemasın engiziw ilajları haqqında
Respublika aymaqların kategoriyalarǵa ajıratıw hám isbilermenlikti qollap-quwatlawdıń gruppalastırılǵan sistemasın engiziw ilajları haqqında
Aymaqlar ortasındaǵı ekonomikalıq teńsizlikti kemeytiw maqsetinde, rayon hám qalalardı olardıń sharayatı, potencialı hám múmkinshiliklerinen kelip shıqqan halda rawajlandırıw, sonıń menen bir qatarda isbilermenlik ortalıǵın jáne de jaqsılaw maqsetinde “Respublika aymaqların taypalarǵa ajıratıw hám isbilermenlikti qollap-quwatlawdıń gruppalastırılǵan sistemasın engiziw ilájları haqqında”ǵı 2022-jıl 30-dekabr kuni 287-sanlı Prezident pármanı qabıl etildi.
Pármanǵa muwapıq, 2023-jıl 1-yanvardan baslap respublikanıń 208 rayon hám qalaları 5 taypaǵa ajıratıladı. Rayon hám qala taypasınan kelip shıqqan halda, isbilermenlerge salıq jeńillikleri, subsidiyalar beriledi. 2023-jıl 1-yanvardan 2026-jıl 1-yanvarǵa shekem salıq salıwdıń tómendegi gruppalastırılǵan tártibi engiziledi, yaǵnıy 5-taypadaǵı rayonlarda dizimnen ótken hám sol aymaqlarda isbilermenlik penen shuǵıllanıp atırǵan puxaralar, payda salıǵı aylanbasınan alınatuǵın salıq hám sociallıq salıqtıń 1 procenti, yuridikalıq shaxslardıń mal-múlkine salınatuǵın salıq hám yuridikalıq shaxslardan alınatuǵın jer salıǵın usı salıqlar boyınsha esaplanǵan summanıń 1 procenti muǵdarındaǵı salıq stavkaları boyınsha tóleydi. Bunda iri salıq tólewshiler, turaqlı mákeme, byudjet shólkemleri hám mámleketlik kárxanalar, ustav fondında mámleketlik úlesi 50 procent hám onnan kóbirek muǵdarda bolǵan yuridikalıq shaxslar bunnan tısqarı. Sonday-aq, 5-taypadaǵı rayonlarda dizimnen ótken hám sol aymaqlarda iskerlik júrgizetuǵın jeke tártiptegi isbilermenler fizikalıq shaxslardan alınatuǵın dáramat salıǵınıń qatań belgilengen summaların tólewden azat etiledi.
2023-jıl yanvar ayınan baslap 4 hám 5-taypadaǵı rayonlarda dizimnen ótken hám sol aymaqlarda iskerlik júrgizetuǵın kishi isbilermenlik subektlerine banklerdiń kredit hám lizing boyınsha onıń tiykarǵı stavkadan asqan, biraq Oraylıq bank tiykarǵı stavkasınıń 40 procentinen kóp bolmaǵan bólegin qaplaw ushın kompensaciya, bankler kreditleriniń 75 procentine shekem, biraq ulıwma bahası 2,5 milliard sumnan aspaǵan muǵdarda kepillik usınıs etiledi. Sonday-aq, xalıq hám isbilermenlerge subsidiya ajıratıwdıń asırılǵan muǵdarları, isbilermenlik iskerligin rayon hám qalalar taypalarınan kelip shıqqan halda qollap-quwatlaw ilajları Párman menen tastıyıqlandı.
Shımbay rayonı Ádillik bólimi
mámleketlik xızmetler orayı bólim baslıǵı B.Bekniyazov