Янгиликлар
23
“My.gov.uz” sisteması abzallıqlarınan xabardarsızba!
“My.gov.uz” sisteması abzallıqlarınan xabardarsızba!
Ózbekstan Respublikası Birden-bir interaktiv mámleketlik xızmetler portalı Internet tarmaǵında Ózbekstan Respublikasınıń Húkimet portalı sheńberinde, sonday-aq, «bir ayna» principinde iskerlik kórsetedi.
Birden-bir portal arqalı interaktiv mámleketlik xızmetler kórsetiw Ózbekstan Respublikası ministrler Kabinetiniń 2017-jıl 15-sentyabrdegi "Ózbekstan Respublikası birden-bir interaktiv mámleketlik xızmetler portalı arqalı elektron mámleketlik xızmetler kórsetiw rejimin jetilistiriw ilajları tuwrısında" ǵı 728-sanlı qararında keltirilgen Ózbekstan Respublikası Birden-bir interaktiv mámleketlik xızmetler portalı tuwrısında qaǵıydaǵa muwapıq dizimnen ótken paydalanıwshılar ushın ámelge asırıladı.
Fizikalıq hám yuridikalıq shaxslardıń elektron portal arqalı mámleketlik shólkemler menen óz-ara baylanısı, yaǵnıy húkimet tárepinen elektron mámleketlik xızmetlerin kórsetiliwi sanlı ekonomikanıń ajıralmas bólegi esaplanadı. Sol maqsette Birden-bir interaktiv mámleketlik xızmetler portalı (Birden-bir portal) iskerlik kórsetip kelmekte.
Birden-bir portaldiń maqset hám wazıypaları bolıp arza beriwshiler ushın mámleketlik shólkemler hámde basqada shólkemler menen elektron birge islesiwdi ámelge asırıw ushın múmkinshilikler jaratıw;
- arza beriwshiler menen elektron birge islesiwde mámleketlik basqarıwı sistemasında “bir ayna” Principin ámelge asırıw;
- mámleketlik xızmetler kórsetiwdiń ashıq mexanizimlerin jaratıw, múddetlerdi kemeytiw hám olardı kórsetiw rejimin baqlaw jolı menen mámleketlik xızmetler kórsetiw sapasın asırıw;
- mámleketlik xızmetler alıwda xalıq, isbilermenlik subektler hám mámleketlik shólkemler shıgınların kemeytiw waqtın tejew bolıp tabıladı.
Birden-bir portaldın tiykarǵı wazıypası paydalanıwshılarǵa mámleketlik shólkemlerge tuwrıdan-tuwrı murajat qılıw ushın múmkinshilik beriw;
-paydalanıwshılardı informaciya-kommunikaciya texnologiyaları tiykarında mámleketlik shólkemler hámde basqada shólkemler menen integraciya ornatıw;
- paydalanıwshılardı mámleketlik shólkemler menen óz-ara sherikligi natiyjeliligin asırıw ;
-paydalanıwshılar ushın byurokratik tosqınlıqlardı kemeytiw hám olardı saplastırıw;
-«Elektron húkimet» sistemasın jáne de rawajlandırıw hám mámleketlik basqarıwına zamanagóy informaciya texnologiyaların engiziwde kómeklesiw.
Birden-bir portal zamanagóy informaciya texnologiyalarınan paydalanıw tiykarında interaktiv mámleketlik xızmetler alıwda paydalanıwshılarǵa qolaylılıqlar jaratıw hám múmkinshiliklerin keńeytiw ushın arnalǵan.
Elektron mámleketlik xızmetler pullı yamasa biypul kórsetiledi.
Birden-bir interaktiv mámleketlik xızmetler portalı arqalı fizikalıq hám yuridikalıq shaxslar mámleketlik xızmetlerinen paydalansa mámleketlik xızmet kórsetiliwi ushın jıyım summasınıń 90 payızı óndiriledi.
Sonıń menen birge, puqaralar Mámleketlik xızmetler orayları arqalı kórsetilmeytuǵın mámleketlik xızmetlerinen Birden-bir interaktiv mámleketlik xızmetler portal arqalı paydalanıwları hám ózlerine zárúr bolǵan sistemaǵa kiritilgen málimlemelerdi de alıwları múmkin.
Shımbay rayonı Ádillik bólimi
mámleketlik xızmetler orayı bólim baslıģı B.Bekniyazov