Янгиликлар
16
Mámleketlik xızmetler kórsetiwdi ápiwayılastırıw, byurokratiyalıq tosqınlıqlardı qısqartıw hám mámleketlik xızmetler kórsetiw milliy sistemasın rawajlandırıwdıń qosımsha ilajları haqqında
Mámleketlik xızmetler kórsetiwdi ápiwayılastırıw, byurokratiyalıq tosqınlıqlardı qısqartıw hám mámleketlik xızmetler kórsetiw milliy sistemasın rawajlandırıwdıń qosımsha ilajları haqqında
Respublikada mámleketlik xızmetlerdi kórsetiwde byurokratizm, sansızlıq hám basqa da hákimshilik tosqınlıqlardı saplastırıw, eskirgen hám zaman talaplarına sáykes kelmeytuǵın tártip-qaǵıydalardı túp-tiykarınan qısqartıwǵa qaratılǵan sistemalı jumıslar ámelge asırılmaqta.
Sonıń ishinde, xalıq hám isbilermenlik subyektleri tárepinen 73 túrdegi maǵlıwmatnama hám hújjetlerdi usınıw talabı biykar etilip, mámleketlik uyımlar tárepinen bul maǵlıwmatlardı "Elektron húkimet" sisteması uyımlar aralıq integraciyalasıw platformasınan paydalanǵan halda alıw sisteması engizildi.
Sonıń menen birge, xalıqqa mámleketlik xızmetlerdi qolaylı hám ańsat túrlerde kórsetiw kólemin arttırıw hám puqaralardıń uyımnan-uyımǵa sergizdan bolıp júriwiniń aldın alıw, mámleketlik uyımlardıń málimleme sistemasında bar maǵlıwmatlardı isenimli qorǵaw boyınsha jumıslardı ámelge asırıw is ilajları bir qansha sistemalastırılǵan halda jumıslar islenbekte, qararlar qabıl etilmekte hám de bul barısta alǵa ilgerilewler kózge taslanıp atır. Atap aytqanda, puqaralardıń huqıq hám erkinlikleri joqarı dárejede táminlenip, olardıń puqaralıq huqıqların ámelge asırıwında qolaylıq hám jeńilliklikler oǵada ayqın tárizde sezilip atır. Degen menen bul tarawda da ele isleniwi kerek bolǵan máseleler de joq emes. Solardı saplastırsaq, sol mashqalardıń keleshekte júzege keliwiniń aldın alıw is ilajların durıs jolǵa qoya alsaq maqsetke muwapıq bolar edi, qalaberdi keleshekte demokratiyalıq, puqaralardıń huqıqları joqarı dárejede táminlengen ellerden biri bolıp bekkem dúnya jámiyetshiligine ornalasar edik.
Nókis qalası ádillik bólimi
Mámleketlik xızmetler orayı aǵa qánigesi N.Jalǵasbaev