Янгиликлар
16
Dárilik zatlar hám medicinalıq úskenelerdi dizimnen ótkeriw tártibi xalıqaralıq talaplarǵa beyimlestiriledi
Dárilik zatlar hám medicinalıq úskenelerdi dizimnen ótkeriw tártibi xalıqaralıq talaplarǵa beyimlestiriledi
"Dárilik zatlar hám medicinalıq úskeneler aylanısın tártipke salıwǵa baylanıslı qosımsha ilajlar haqqında"ǵı Prezident Pármanı (PP-137-sanlı, 19.08.2025 j.) qabıl etildi.
Pármanǵa bola, 2026-jıl 1-yanvardan medicinalıq buyımlar hám medicinalıq texnikalardıń aylanısı tómendegi tártipte ámelge asırıladı:
medicinalıq buyım hám medicinalıq texnikalar medicinalıq úskeneler sıpatında mámleketlik dizimnen ótkeriledi;
medicinalıq úskeneler insan ómiri menen baylanıslı bolıw itimalı joqarı bolǵan qáwiplerdi esapqa alǵan túrde 4 qáwipsizlik dárejesine bola klassifikaciyalanadı;
medicinalıq úskeneler klinikalıq izertlewlerdiń unamlı nátiyjesi tiykarında mámleketlik dizimnen ótkeriledi.
Sonday-aq, dárilik zatlar hám medicinalıq úskeneler ushın muwapıqlıq sertifikatın rásmiylestiriwde tómendegiler talap etiledi:
dárilik zatlar ushın - 2027-jıl 1-yanvardan islep shıǵarıwshınıń dári quralları túrine "Zárúr islep shıǵarıw ámeliyatı - GMP" milliy sertifikatı;
medicinalıq úskeneler ushın - 2027-jıl 1-iyuldan islep shıǵarıwshınıń “ISO: 13485” milliy standartına muwapıqlıq sertifikatı.
Nókis qalası ádillik bólimi
Mámleketlik xızmetler orayı bas qánigesi X.Berdimuratova