Янгиликлар
15
Fizikalıq shaxstı identifikaciyalawdıń Mobil-ID sisteması haqqında
Fizikalıq shaxstı identifikaciyalawdıń Mobil-ID sisteması haqqında
Mámleketlik xızmetlerden paydalanıw ushın shaxstı identifikaciyalawdıń ámeldegi sistema hám qurallarına qosımsha túrde fizikalıq shaxstı identifikaciyalawdıń Mobil-ID sisteması (keyingi orınlarda - Mobil-ID sisteması) engizildi.
Mobil-ID sisteması "Elektron húkimet" sisteması paydalanıwshıların identifikaciyalaw boyınsha birden-bir málimleme sistemasınıń quramlıq bólegi esaplanadı hám shaxstı onıń mobil telefon nomeri arqalı identifikaciyalawdı názerde tutılǵan shaxstı Mobil-ID sisteması járdeminde identifikaciyalaw puqaranıń qálewine bola mámleketlik xızmetler orayı (keyingi orınlarda - Oray) yamasa notarial uyım tárepinen yamasa Birden-bir interaktiv mámleketlik xızmetler portalınıń (keyingi orınlarda - BIMXP) mobil qosımshası arqalı ámelge asırıladı;
Mobil-ID sisteması járdeminde identifikaciyadan ótiw ushın puqara tárepinen tikkeley Oray yamasa notarial uyımǵa múrájat etilgende shaxstı tastıyıqlawshı hújjettiń túp nusqası usınıladı hámde Oray yamasa notarial uyım xızmetkeri tárepinen puqaranıń júzi sanlı formatta súwretke túsiriledi, elektron túrde qol barmaǵınıń izi alınadı hám mobil telefon nomeri BIMXPdaǵı jeke kabinetke baylanıstırıladı.
Tikkeley Oraylar yamasa notarial uyım arqalı puqaralardı Mobil-ID sistemasına identifikaciyalaw 2022-jıl 31-dekabrge shekem tólem óndirilmesten, 2023-jıl 1-yanvardan baslap bazalıq esaplaw muǵdarınıń 2 procenti muǵdarında bir mártelik tólem óndirilgen halda ámelge asırıladı. Mobil-ID sisteması paydalanıwshıları elektron sanlı imzanı qollanbaǵan halda barlıq mámleketlik xızmetlerden (finanslıq xızmetler buǵan kirmeydi) paydalanıwı múmkin. Puqaranıń YaIDXPdaǵı jeke kabinetine jiberiletuǵın barlıq xabarnamalar onıń qálewine bola hám belgilengen tólemler tiykarında Mobil-ID sisteması arqalı identifikaciyalanǵan mobil telefon nomerine SMS-xabar tárizinde jiberiledi.
Nókis qalası ádillik bólimi
Mámleketlik xızmetler orayı bólim baslıǵı K.Ospanova