Янгиликлар
15
Korrupciyaǵa baylanıslı huqıqbuzarlıq haqqında xabar bergenler xoshametlenedi
Korrupciyaǵa baylanıslı huqıqbuzarlıq haqqında xabar bergenler xoshametlenedi
Húkimettiń 31.12.2020-jıldaǵı 829-sanlı qararı menen korrupciya menen baylanıslı huqıqbuzarlıq haqqında xabar bergen yaki oǵan qarsı gúresiwge basqa túrde járdem bergen puqaralardı xoshametlew tártibi belgilendi.
Oǵan bola, járdem bergen puqaralarǵa BEMnıń 3 esesinen 25 esesine shekem (1 BEM házir 412 000) muǵdarda pul sıylıǵı beriledi.
Pul sıylıǵı tómendegi jaǵdaylarda beriledi:
-korrupciya boyınsha berilgen xabar boyınsha tiyisli huqıqtı qorǵaw uyımı tárepinen bul huqıqbuzarlıq ashılsa;
-korrupciya boyınsha qıdırıwdaǵı shaxs haqqında berilgen xabar tiykarında sol shaxs uslansa.
(Eger xabar bergen shaxs huqıq qorǵaw uyımı xızmetkeri bolsa, oǵan sıylıq berilmeydi)
Sonıń menen birge, mámleket basqarıwında korrupciyanıń aldın alıw boyınsha mámleketlik uyımlar tárepinen óz funkciyaların ámelge asırıwda korrupciyalıq qáwip-qaterdi bahalaw hám saplastırıw sistemasın jańa basqıshqa alıp shıǵıwda, 2022-2026-jıllarǵa mólsherlengen Jańa Ózbekstannıń rawajlanıw strategiyası maqsetlerin támiyinlewge qaratılǵan, Ózbekstan Respublikası Prezidentinıń 2022-jıl 11-maydaǵı PQ-240-sanlı “Mámleket basqarıw salasında korrupciyalıq qáwip-qáterdi saplastırıw mexanızmlerin jedellestiriw hám usı salada jámiyetshilik qatnasın keńeytiw is-ilájları haqqında”ǵı qararı úlken áhmiyetke iye. Usı qarar menen 2022-jıl 1-sentyabrden baslap, “E-Antikorrupciya” joybarı tolıq iske túsiriliwi belgilendi. Qarar menen, mámleketlik shólkem xızmetinde korrupciyalıq qáwip-qáterdi (jıllıq) bahalaw hám korrupciyalıq qáwip-qáter reestrine kirgiziw hár jıldıń 1-martına shekem ámelge asırılıwı lazımlıǵı ornatıldı.
Nókis qalasi ádillik bólimi
Mámleketlik xızmetler orayı jetekshi qánigesi U.Kurbanbayev