Янгиликлар
15
Isbilermenlik subyektlerine mámleketlik xzmetler kórsetiw.
Isbilermenlik subyektlerine mámleketlik xzmetler kórsetiw.
Mámleketimizde xalıqqa mámleketlik xizmetlerdi kórsetiwde artıqsha talaplar, tártip hám prinsiplerdi qısqartıw hám de ápiwayılastırıw, mámleketlik xızmetler sıpatın jaqsılaw boyınsha sistemalı is-ilájlar ámelge asırılmaqta hám isbilermenlerden kelip túsip atırǵan múrajátlardan kelip shıǵıp, olarǵa mámleketlik xızmetlerden paydalanıwda maǵlıwmatlardı alıw imkaniyatların keńeytiw zárurligi júzege kelmekte.
Ózbekstan Respublikası Prezidentiniń isbilermenler menen 2023-jildaǵı ashıq sáwbetinde belgilengen wazıypalardı ámelge asırıw is-ilajları haqqındaǵı 2023-jil 4-sentyaberdegi PQ-292-san qararınıń orınlanıwın támiyinlew maqsetinde Ministrler Kabinetinıń qararı qabıl etildi. Qararǵa tiykar:
- Ózbekstan Respublikası Húkimetiniń ayrım qararlarına ózgeris hám qosımshalar kiritilip,
Isbilermenlik subyektleriniń birden-bir mámleketlik reestrin kreditorlar ushın zárur bolatuǵın qosımsha maǵlıwmatlar menen toltırıw, reestrden kóshirme alıw ushın belgilengen jıyım muǵdarın kemeytiw;
Yuridikalıq shaxslardıń wákilxana hám filiallaların ashıw (jabıw) haqqında mámleketlik dizimnen ótkeriwshi uyımdı xabardar etiw tártibin iske túsiriw;
Aldın berilgen reklama ornınıń pasportın jańa túrdegi reklama ornınıń pasportına almastırıw ushın arza tapsırıw múddetin Tashkent qalasında 2024-jıl 1-iyunǵa shekem, qalǵan aymaqlarda 2024-jıl 1-iyulǵa shekem uzaytıw belgilengen.
Sonıń menen birge reklama boyınsha tiyisli tólem hám mámleketlik jıyımlardan aqırǵı bes jıl múddet ushın qarızdarlıqtı isbilermen tárepinen 9 ay múddetke teń muǵdarda bólip tólew shárti menen aldın berilgen reklama ornınıń tazasına almastırıw.
Isbilermenlik subyektleri birden-bir mámleketlik reestri bular-isbilermenlik subyektleri (yuridikalıq shaxslar shólkemlestiriw, qayta islep shıǵıw, iskerligi toxtatılǵanlıǵı, tamamlanǵanlıǵı, jeke tártiptegi isbilermen dúzilgenligi, iskerligi toxtatılǵanlıǵı yáki jawılǵanlıǵı hám olarǵa tiyisli maǵlıwmatlar bazası eseaplanadı (bankler hám kredit byurolarına tiyisli maǵliwmatladan tısqarı).
Ózbekstan Respublikası Ádillik ministrligi tárepinen isbilermenlik subyektleri bolǵan yuridik shaxslardıń wákilxana hám fillialların shólkemlestiriw haqqında mámleketlik dizimnen ótkeriwshi uyımdı xabardar etiw, isbilermenlik subyektlerin mámleketlik dizimnen ótkeriw hám esapqa qoyıwdıń avtomatlastırılǵan sistemasın jaratıw engizildi.
Nókis qalası Ádillik bólimi
Mámleketlik xızmetler orayı aǵa qánigesi J.Paraxatova