Янгиликлар
09
PP 80-sanlı párman tiykarında ámelge asırılıp atırġan jumıslar
PP 80-sanlı párman tiykarında ámelge asırılıp atırġan jumıslar
Shomanay rayonı ádillik bólimi tárepinen 2025-jıl 6 ay dawamında huqıqtı qollaw ámeliyatı, norma dóretiwshiligi, insan huqıqların qorgaw, huqıqıy úgit-násiyat, mámleketlik xızmetlerin kórsetiw, puqaralıq halatı aktlerin jazıw hám yuridikalıq xızmet kórsetiw tarawlarında bir qansha unamlı jumıslar ámelge asırıldı.
Atap aytqanda Ózbekstan Respublikası Prezidentiniń 2024-jıl 24-maydagı PF-80-sanlı Pármanına muwapıq, xalıqtıń kúndelikli turmısında ushraytugın huqıqıy mashqalalardı anıqlaw hám olardı saplastırıw boyınsha ámeliy is-ilajlardı ámelge asırıp barıw ádillik organlarınıń tiykargı wazıypalarınan biri etip belgilengen.
Ogan kóre, Shomanay rayonı ádillik bólimi tárepinen reje-grafik tiykarında máhallelerge shıġıp nızamlarda puqaralardıń huqıq hám máplerin támiyinlewge qaratılgan normalar hám standartlardıń islewin monitoring qılıw hám de xalıqtıń huqıqıy mashqalaların anıqlaw hám saplastırıw belgilengen. Belgilengen reje-grafikke kóre 2025-jıl 1-yarım jıllıqta rayonda jaylasqan “Aybúyir”, “Mamıy”, “Diyxanabad”, “Aqjap”, “Sarmanbaykól” hám “Qarabaylı” máhállelerinde “Huqıqıy máhalle” joybarın ámelge asırıw belgilengen.
Joybardı ámelge asırıw dawamında atap ótilgen máhálleler aymagında bólim xızmetkerleri tárepinen úyme-úy júriw arqalı 1869 huquqıy mashqala anıqlanıp, puqaralardıń nızamlı huqıqları ámelge asırılıwı támiynlendi.
Ádillik bólimi xizmetkerleri tárepinen puqaralarga hám isbilermenlik subektlerine jámi 17 733 mámleketlik xızmetler kórsetildi. Rayon orayınan alıs aymaqlardagı jasawshı puqaralardıń waqıtların tejew hám olardıń uzagın jaqın qılıw, sonıń menen birge imkániyatı sheklengen puqaralarga qolaylıqlar jaratıw maqsetinde olardıń jasap turgan orınlarına bargan halda 2025-jıl 6 ay dawamında jámi 1 952 kóshpeli mámleketlik xızmetler kórsetildi.
Shomanay rayonı ádillik bólimi PHAJ bóliminde 2025-jıl 6 ay dawamında 332 tuwılganlıq dizimge alındı, sud qaraqı menen 5 bala perzentlikke alınıp tuwılganlıq haqqında guwalıqlar berildi, akt jazıwına ózgeris, dúzetiw hám qosımshalar kiritkenler 15, jalgız analar arzası tiykarında 10 balaga tuwılganlıq haqqında guwalıqlar berildi, atalıqtı belgilep 34 balaga tuwılganlıq haqqında guwalıqlar berildi. 134 puqaranıń ólimi dizimge alınıp, sonnan 26 qaytıs bolgan puqaraga sudtıń qararın orınlap ólim haqqında guwalıqlar berildi.
Shomanay rayonı
Ádillik bólim baslıġı I.Aleuatdinov