Янгиликлар
09
Ayırım shańaraqlardı ishimlik suwı menen támiyinlew qárejetlerin qaplaw ushın subsidiya ajıratıladı
Ayırım shańaraqlardı ishimlik suwı menen támiyinlew qárejetlerin qaplaw ushın subsidiya ajıratıladı
Húkimet qararı (515-sanlı, 14.08.2025 j.) menen "Qaraqalpaqstan Respublikası hám Xorezm wálayatında ayırım kategoriyadaǵı shańaraqlardı ishimlik suwı menen támiyinlew qárejetlerin qaplaw ushın subsidiya ajıratıw tártibi haqqında"ǵı reje tastıyıqlandı.
Reje Qaraqalpaqstan Respublikası hám Xorezmde jasawshı Kámbaǵal shańaraqlar reestrine kirgizilgen shańaraqlarǵa tómendegi qárejetlerin qaplaw ushın subsidiya ajıratıw tártibin belgileydi:
turaq jayda artezian qudıǵın qazıw;
suw nasosları hám ishimlik suwı filtrlerin satıp alıw hám ornatıw.
Subsidiya usı qárejetlerdiń 90 procenti, biraq BEMniń 30 esesinen kóp bolmaǵan bólegin qaplaw ushın ajıratıladı.
Bul xızmetler "Birden-bir milliy sociallıq qorǵaw" málimleme sistemasınıń Xalıqtı taza ishimlik suwı menen támiyinlewge járdemlesetuǵın isbilermenlik subektleri reestrine kirgizilgen isbilermenler tárepinen ámelge asırıladı.
Subsidiya alıwshılardıń er jetken háreketke uqıplı aǵzası yamasa nızamlı wákili "Insan" oraylarına barǵan túrde yamasa máhálledegi sociallıq xızmetkerlerge múrájat etiw arqalı "BMSQ" MSda dizimnen ótiwi múmkin.
Bunda "Insan" orayı xızmetkeri yamasa sociallıq xızmetker subsidiya alıwshılardıń er jetken ámeliy qábiletli aǵzası yamasa onıń nızamlı wákili atınan "BMSQ" MSda dizimnen ótiw boyınsha soraw jiberedi.
Isbilermen belgilengen múddette subsidiya alıwshılardıń jasaw ornına jetip barıwı hám de artezian qudıǵın qazıwı, suw nasosı hám ishimlik suw filtrin ornatıwı lazım.
Jumısshı topar tárepinen subsidiya ajıratıw maqullanǵanı yamasa biykarlanǵanı haqqındaǵı xabar "BMSQ" MSǵa avtomat túrde jiberiledi.
Qaraqalpaqstan Respublikası Ádillik ministrligi
bólim bas másláhátshisi T.Maxamatdinov