Янгиликлар
09
Awıl xojalıǵı tarawına sanlı texnologiyalar engiziledi
Awıl xojalıǵı tarawına sanlı texnologiyalar engiziledi
"Awıl xojalıǵı tarawına zamanagóy texnologiyalardı engiziwdi jáne de jedellestiriw arqalı nátiyjelilikti arttırıw ilajları haqqında"ǵı Prezident Pármanı (PP-130-sanlı, 12.08.2025 j.) qabıl etildi.
Pármannıń tiykarǵı maqsetleri etip tómendegiler belgilendi, atap aytqanda:
awıl xojalıǵında paydalanılatuǵın 4 million gektardan aslam jer maydanlarında eginlerdi egiw hám suwǵarıw processlerin sanlastırıw;
awıl xojalıǵı tarawında engizilgen 30 dan aslam málimleme sistemaların "birden-bir noqat"qa birlestiriw arqalı paydalanıwshılar ushın qolaylıqlar jaratıw hám maǵlıwmatlardıń óz-ara muwapıqlıǵı hám isenimliligin támiyinlew.
2026-jıl óniminen baslap awıl xojalıǵı shólkemleri ózlerine tiyisli jer uchastkalarına egiw rejelestirilgen awıl xojalıǵı eginleri haqqındaǵı maǵlıwmatlardı "Sanlı awıl xojalıǵı" birden-bir integraciyalasqan platformasına (Agroportal) ǵárezsiz jaylastırıp baradı.
Agroportal awıl xojalıǵı ónimlerin jetistiriwshi, islep shıǵarıwshı hám xızmet kórsetiwshi shólkemler ushın tarawda xızmet kórsetiwdiń "birden-bir noqatı" sıpatında tán alınadı.
Qaraqalpaqstan Respublikası Ádillik ministrliginiń
sektor baslıǵı A.Ixlasov