Янгиликлар
08
Sponsorlıq qayırqomlıqlardı jıynawdıń anıq tártibi belgilendi
Sponsorlıq qayırqomlıqlardı jıynawdıń anıq tártibi belgilendi
Nızam (ÓRN-1083-sanlı, 21.08.2025-j.) menen ayırım nızam hújjetlerine qosımshalar hám ózgerisler kirgizildi
Nızam hújjetlerine kirgizilgen qosımshalarǵa bola, mámleketlik uyımlardıń lawazımlı shaxsları tárepinen mámleketlik emes kommerciyalıq emes shólkemlerdiń jumısına nızamǵa qayshı túrde aralasıw:
➖ BEMniń 7 esesinen 10 esesine shekem járiyma salıwǵa sebep bolıwı belgilendi.
Sonday-aq, qáwenderlik qayırqomlıqların jıynaw tártibin buzıw:
➖ puqaralarǵa BEMnıń 3 esesinen 5 esesine shekem, lawazımlı shaxslarǵa bolsa - 5 esesinen 7 esesine shekemgi muǵdarda járiyma salıwǵa sebep bolıwı názerde tutıldı.
Bunnan tısqarı, qáwenderlik qayırqomlıqların jıynaw tártibi anıq belgilendi.
Oǵan bola, qáwenderlik qayırqomlıqların jıynaw belgili bir qáwenderlik alıwshılardıń máplerin gózlep, aldınnan járiyalanǵan múddet dawamında ámelge asırıladı.
Qáwenderlik shólkemleri tárepinen qáwenderlik qayırqomlıqların naq pul formasında jıynaw tek ǵana qayırqomlıq qutısı járdeminde ámelge asırıladı.
Biraq, bunnan naq pul formasındaǵı qáwenderlik qayırqomlıqların olardıń bank esap betlerine nızamshılıqta belgilengen tártipte ótkeriw jaǵdayları buǵan kirmeydi.
Qayırqomlıq qutısı ashıq bolıwı hám onı ashıw ornı tiyisli belgilengen shaxslar tárepinen qol qoyılǵan hám de mór basılǵan qaǵazlı plomba yamasa nomerlengen plomba menen plombalanǵan bolıwı shárt.
Qaraqalpaqstan Respublikası Ádillik ministrliginiń
sektor baslıǵı A.Otarbaev