Янгиликлар
08
Shet elde alınǵan diplomlardı Ózbekstanda tán alınıw tártibi haqqında.
Shet elde alınǵan diplomlardı Ózbekstanda tán alınıw tártibi haqqında.
Jıldan jılǵa sırt eldegi joqarı oqıw orınlarında oqıwdı qálewshi hám pitkergen jaslarımız sanı artıp barmaqta. Burınları nızamshılıqqa bola, sırt ellerde tálim alǵanlıǵı haqqında hújjetlerdi tán alıw aylap, hátteki jıllap waqıt talap eter edi. Bir nárseni biliwimiz kerek boladı, sırt elde alınǵan hár qanday diplom Ózbekstanda tán alınıwı ushın nostrifikaciya qılınıwı kerek.
Nostrifikaciya bul ne? Nostrifikaciya ushın qanday hújjetler kerek boladı? Bul sıyaqlı sorawlarǵa tómendegishe juwap beremiz.
«Nostrifikaciya» sózi latinsha «noster» - “bizlerdiki” hám de «facere» - “qılıw” sózlerinen alınǵan. Ámelde bul atama sırt elde berilgen diplomlardı mámleketlik dárejede tán alıw, ekvivalentligin belgilewdi bildiredi.
Diplomlarıńızdı nostrifakciyalaw ushın mámleketlik xızmetler orayına múrájat etseńiz boladı. Bunda Mámleketlik xızmetler orayı Minstrler Kabinetiniń 2019-jıl 24-iyuldaǵı 620-sanlı «Sırt ellerde tálim alǵanlıǵı haqqındaǵı hújjetlerdi tán alıw tártibi haqqında»ǵı qararına tiykar jumıs alıp baradı.
Sırt el diplomların nostrifikaciyalawdıń 2 jolı bar: birinshisi arnawlı sınawlar tiykarında, ekinshisi tuwrıdan-tuwrı (arnawlı sınawlarsız).
Qaysı diplomlar arnawlı sınawlarsız nostrifkaciya islenedi?
- ulıwma orta hám orta, orta arnawlı, kásip-óner hám tájiriybe asırıw ornında tálim alǵan múrájatshılardıń hújjetleri;
- Ózbekstanda bólimleri hám qospa tálim bólimleri bar bolǵan sırt elde oqıǵan múrájatshılardıń hújjetleri;
- Xalıq aralıq 1000 lıq reytingine kirgen joqarı oqıw orınlarınıń hújjetleri;
- ministrlik hám mákemelerdiń jollanbaları tiykarında tálim alǵan múrájatshılardıń hújjetleri;
- 1992 jıl 1 yanvarǵa shekem sırt el joqarı oqıw orınlarında oqıǵan múrájatshılardıń xujjetleri;
- Joqarǵı oqıw sapasın bahalaw Evropa associaciyasınıń aǵzaları tárepinen akkreditaciyalanǵan oqıw orınlarında tálim alǵanlardıń hújjetleri;
- AQSh, Avstraliya, Izrail, Kanada, Singapur Respublikası, Koreya Respublikası, Yaponiya mámleketlerinde akkreditaciya qılınǵan oqıw orınlarında tálim alǵanlardıń hújjetleri;
- ministrlik hám mákemeler tárepinen ajıratılǵan pullar esabınan tálim alǵan múrájatshılardıń hújjetleri;
- xalıq aralıq shártnamalar, Prezident hám Húkimet hújjetlerinde názerde tutılǵan hallarda tálim alǵanlardıń hújjetleri.
Nostrifikaciya qılıw ushın qanday hújjetler kerek?
Bunıń ushın Mámleketlik xızmetleri orayı xızmetkerine tómendegi hújjetlerdi usınıw kerek:
- diplom hám qosımshanıń túp nusqası (arza qabıl qılınǵannan keyin iyesine qaytarıladı);
- diplom hám qosımshanın túp nusqasınıń mámleketlik tilge awdarma qılıp notariustan tastıyıqlanǵanı;
- pasport;
Sırt ellerde ulıwma orta hám orta tálim alǵanlıǵı haqqındaǵı hújjetlerdi tán alıw BIYPUL ámelge asırıladı!
Orta arnawlı, kásip-óner(professional) tálimin alǵanlıǵı haqqındaǵı hújjetlerdi tán alǵanlıǵı ushın bazalıq esaplaw muǵdarınıń 2 esesi muǵdarında;
Joqarı oqıw, kadrlardı qayta tayarlaw hám tájiriybe asırıw tálimin alǵanlıǵı haqqındaǵı hújjetlerdi tán alǵanlıǵı ushın bazalıq esaplaw muǵdarınıń 3 esesi muǵdarında tólem óndiriledi.
Ulıwma orta hám orta tálim alǵanlıǵı haqqındaǵı hújjetlerdi tán alıw 3 jumıs kúninde, al orta arnawlı, kásip-óner, joqarı oqıw, kadrlardı qayta tayarlaw hám tájiriybe asırıw tálimin alǵanlıǵı haqqındaǵı hújjetlerdi tán alıw 14 jumıs kún múddet ishinde kórip shıǵıladı.
Qarardan gózlengen maqset «Puqaralar emes hújjetler háreketlenedi» principi tiykarında qaǵazbazlıqtıń aldın alıw puqaralardıń waqtın tejew hám de mámleketlik uyımlarǵa puqaralardıń isenimin elede arttırıw bolıp tabıladı.
Taqıyatas rayonı ádillik bólimi
Mámleketlik xızmetler orayı
direktorı B.Auezov