Янгиликлар
02
Tuwılıw, neke dúzilgenligi, nekeden ajırasqanlıq haqqında akt jazıwlarına ózgeris, dúzetiw hám qosımshalar kiritiw haqqında.
Tuwılıw, neke dúzilgenligi, nekeden ajırasqanlıq haqqında akt jazıwlarına ózgeris, dúzetiw hám qosımshalar kiritiw haqqında.
Ózbekstan Respublikası Ministler Kabinetiniń 2023-jıl 20-oktyabr kúngi 550-sanlı «Neke, shańaraq hám puqaralıq halatı akt jazıwın dizimge alıw tarawındaǵı normativ-huqıqıy hújjetlerdi sistemalastırıw» haqqındaǵı qararınıń 138-148 bántlerine muwapıq akt jazıwlarına ózgeris, dúzetiw hám qosımshalar kiritiw jeterli tiykarlar bolǵanda mápdar shaxslardıń arzalarına kóre akt jazıwları saqlanıp kiyatırǵan PHAJ organları tárepinen ámelge asırıladı. On altı jasqa tolǵan shaxslardıń tuwılıw, neke dúzilgenligi, nekeden ajırasqanlıq haqqında akt jazıwlarına ózgeris kiritiw olardıń arzalarına kóre ámelge asırıladı. On altı jasqa tolmaǵan shaxslardıń tuwılıwı haqqında akt jazıwına ózgerisler kiritiw ata-anasınıń yaki nızamlı wákilleriniń arzalarına tiykar ámelge asırıladı. Eger akt jazıwına ózgeris kerek bolǵan shaxs ózi kelip qatnasa almaǵan jaǵdayda, konsul yamasa notarius tárepinen tastıyıqlanǵan arza hám isenim xat tiykarında ámelge asırıladı. Akt jazıwlarına ózgeris kiritiw dúzetiw kiritiwden parqlanadı. Bunda ózgeris degende nızamda belgilengen tártipte bar bolǵan akt jazıwı ornına jańa maǵlıwmatlar kiritiw túsiniledi, al dúzetiw bolsa PHAJ organı xızmetkeri yaki basqa shaxslar tárepinen jazıwda jol qoyılǵan kemshiliklerdi dúzetiw túsiniledi. Qaytıs bolǵan shaxslardıń tuwılıw, neke, nekeni biykar etiw haqqında akt jazıwlarına dúzetiw hám qosımshalar sud qararına tiykar PHAJ bólimi tárepinen kiritiledi.
Qanlıkól rayonı ádillik bólimi
PHAJ bólimi inspektorı J.Seytjanova