Янгиликлар
26
Adam sawdası- dáwir mashqalası.
Adam sawdası- dáwir mashqalası.
Dúnya xalıqlarınıń áhmiyetli mashqalasına aylanǵan adam sawdasına qarsı gúres hámmeniń itibarın ózine qaratpaqta.
Jınayatshılıqtıń bul qorqınıshlı túrine qarsı gúresiw hám onıń aldın alıw maqsetinde Birlesken Milletler Shólkeminiń bir qatar usınısları hám májbúriy xarakterge iye bolǵan hújjetleri qabıl etilgen.
Atap aytqanda, "Adam sawdasına hám úshinshi shaxslar tárepinen dene aǵzaları sawdasınan paydalanıwǵa qarsı gúresiw haqqında"ǵı Konvenciya (1949-jıl), "Qullıq hám qul sawdasın, qullıqqa uqsas institutlar hám ádetlerdi biykar etiw haqqında"ǵı qosımsha Konvenciya (1956-jıl), "Transmilliy shólkemlesken jınayatshılıqqa qarsı gúresiw haqqında"ǵı Konvenciyanı tolıqtıratuǵın "Adamlar, ásirese, hayal-qızlar hám balalar sawdasın toqtatıw, aldın alıw hám onıń ushın jazalaw haqqında"ǵı bildiriw (2000-jıl) usı kategoriyadaǵı xalıqaralıq huqıqıy hújjetler bolıp esaplanadı.
Tilekke qarsı, pútkúl dúnya boylap sonsha keń kólemli ámeliyat, tiyisli úgit-násiyatlar alıp barılıwına qaramastan, hár jılı millionlaǵan insanlar "zamanagóy qullıq", yaǵnıy adam sawdası qurbanına aylanbaqta. Olardıń arasında hayallar, qızlar, kekseler, hátteki jas balalar da bar ekenligi oǵada ashınarlı. Bul jınayattıń rawajlanıwına túrtki bolıp atırǵan tiykarǵı faktorlardan biri adamlardıń sırt elge barıw hám jumısqa ornalasıw haqqında jeterli maǵlıwmatqa iye emesligi bolıp esaplanadı. Ashınarlısı, basqa mámleket, jat ortalıqqa túsip qalǵanlar mol dáramat tabıw maqsetinde awır fizikalıq miynetke jallanbaqta, hayal-qızlar bolsa tómen hám buzıq islerge májbúr etilmekte.
Nókis rayonı ádillik bólimi
Yuridikalıq xizmet kórsetiw
orayı baslıǵı G.Izekeeva