Янгиликлар
25
“Xızmetkerdiń jumıs ornına tikleniwi támiyinlendi”
“Xızmetkerdiń jumıs ornına tikleniwi támiyinlendi”
Qaraqalpaqstan Respublikası Ádillik ministrligine puqara G.Duysenbaevanıń jumıs ornınan nızamǵa qayshı ráwishte bosatılǵanlıǵınan narazı bolıp jollaǵan múrájati kelip tústi.
Úyreniw dawamında, puqara G.Duysenbaevaǵa jumıs beriwshiniń baslaması menen miynet shártnamasın biykarlaw haqqındaǵı eskertiw xatı berilgenligi hám Ózbekstan Respublikasınıń Miynet kodeksiniń 161-statyasına tiykar miynet shártnaması biykarlanǵanlıǵı anıqlandı.
Anıqlanıwınsha, puqara menen dúzilgen miynet shártnaması miynet nızamshılıǵı talaplarına ámel etilmesten biykar etilgenligi málim boldı.
Qaraqalpaqstan Respublikası Ádillik ministrligi tárepinen puqara G.Duysenbaevanıń mápin gózlep, puqara menen dúzilgen miynet shártnamasın biykarlaw haqqındaǵı buyrıqtı biykarlap, jumıs ornına tiklew hám de májbúriy progul waqıtları ushın tólemlerdi óndiriw boyınsha Puqaralıq isleri boyınsha Nókis rayonlar aralıq sudına dawa arza kiritildi.
Nátiyjede, puqara G.Duysenbaevanıń mápin gózlep, puqara menen dúzilgen miynet shártnamasın biykarlaw haqqındaǵı buyrıqtı biykarlap, jumıs ornına tiklew hám de májbúriy progul waqıtları ushın tólemlerdi óndiriw boyınsha sudqa kiritilgen dawa arza tolıq qanaatlandırıldı.
Qaraqalpaqstan Respublikası
Ádillik ministrligi sektor baslıǵı A.Moldaxmetov