Янгиликлар
22
Ózbekstan Respublikası Prezidentiniń 11.09.2023 jıldaǵı “Ózbekstan - 2030” strategiyası tuwrısında”ģı PF-158-sanlı Pármanı haqqında
Ózbekstan Respublikası Prezidentiniń 11.09.2023 jıldaǵı “Ózbekstan - 2030” strategiyası tuwrısında”ģı PF-158-sanlı Pármanı haqqında
“Ózbekstan - 2030” strategiyasında 5 tiykarǵı ideyalar sáwlelengen bolıp olar tómendegilerden ibarat.
- turaqlı ekonomikalıq ósiw arqalı dáramatı ortashadan joqarı bolģan mámleketler qatarından orın alıw ;
- xalıq talaplarına hám xalıq aralıq standartlarǵa tolıq juwap beretuǵın tálim, medicina jáne social qorǵaw sistemasın shólkemlestiriw;
- xalıq ushın qolay ekologiyalıq sharayatlardı jaratıw ;
- xalıq xızmetindegi ádalatlı hám zamanagóy mámleketti qurıw ;
- mámlekettiń suverenitet hám qawipsizligin támiyinlew.
“Ózbekstan - 2030” strategiyasın ámelge asırıw jáne onıń maqsetli kórsetkishlerine erisiw barlıq mámleketlik uyımlar hám shólkemleri iskerliginde eń ústin wazıypa etip belgilenip, hám de bul boyınsha olardıń birinshi basshılarına jeke juwapkershilik júklengen.
Sonday-aq Pármannıń 1-qosımshasına muwapıq 2030-jılǵa shekem erisiletuģın maqsetlerdiń nátiyjelililik kórsetkishleri belgilengen.
1. Xalıq salamatlıǵın támiyinlew boyınsha reformalarda
- Insannıń ortasha ómir kóriw waqtını 78 jasqa jetkiziw.
- Medicinaǵa jóneltiriletuģın ģárejetler kólemin 2 esege asırıw.
- Juqpalı bolmaǵan keselliklerdi erte anıqlaw dárejesin 70 procentke jetkiziw.
- Medicina birlespelerinde sanlastırıwdı 100 procentke jetkiziw.
- Tuwıw orınların sanın 35 procentke asırıw.
Social xızmetler kórsetiw hám kámbaģallıqtı qısqartıw boyınsha reformalar
- mayıplıǵı bolǵan shaxslardı jumıs menen támiyinlew arqalı olar bándligini 2 esege asırıw.
- mayıplıǵı bolǵan mútáj shaxslardı reabilitatsiya xızmetlerin menen tolıq qamtıp alıw.
- 2026-jılǵa shekem kámbaģallıtı 2022-jılǵa salıstırǵanda 2 esege, 2030-jılǵa shekem bolsa keskin kemeytiw.
- Kámbaģallıqqa túsiw qáwipi bolģan 4,5 million xalıq tabısın asırıw.
- 2 million puqaralardı kásip-óner, isbilermenlik kónlikpeleri hám shet el tillerge oqıtıw.
Mámleketlik xizmetlerin sanlastırıw kólemin keńeytiw arqalı xalıq ushın “Servis mámleket” sistemasın engiziw, puqara hám mámleket arasındaģı qatnaslarda byurokratik tártiplerdi saplastırıw.
- Elektron formada kórsetiletuǵın mámleketlik xizmetler úlesin 100 procentkeshe jetkiziw.
- Keminde 300 mámleketlik xizmetlerini menshikli sektorǵa ótkeriw.
- Litsenziyalaw hám ruxsat beriw hújjetlerin keminde 20 procentke kemeytiw hám de 50 payızın ápiwayılastırıw.
Nızam ústinligin támiyinlew hám sud-huqıq sistemasındaǵı reformalar
- Xalıq kóp jasaytuģın punktlerinde eki hám odan artıq polosali tártipke salınbaģan piyadalar ótiw jollarda svetoforlar menen tolıq táminlew.
- Azatlıqtan ayırıw jazasın belgilew ámeliyatın 30 procentten 20 procentke túsiriw.
- Sud hám de tergew uyımları iskerliginde ayırım protsessual háreketlerdi aralıqtan turıp ámelge asırıw múmkinshiliklerin keminde 2 esege asırıw.
- Isbilermenlik subektlerine nısbatan kórilip atırılģan jınayat islerinıń 100 procentinde qorǵawshı yamasa jámiyetlik qorǵawshısı qatnasıwın támiyinlewge erisiw.
- Qáwipli aqıbetler menen baylanıslı jol-transport hádiyseleri sanın keminde 50 procentke kemeytiw.
- 100 procent jınayat isleri hám materiallardıń elektron formadaǵı nusqasın júrgiziw hám bul jumıslar boyınsha elektron hújjet almaslawın támiyinlew.
Advokatura institutınıń potencialın tupten asırıw, sonıń menen birge, joqarı huqıqıy járdem kórsetiw sistemasın rawajlandırıw.
- Advokatura institutın óz-ózin basqarıw sistemasına ótkeriw hám de onıń mámleket uyımları hám basqa strukturalardan ǵárezsizligin támiyinlew.
- Advokatlar mamanlıǵın asırıwdıń zamanagóy hám xalıq aralıq standartlarǵa alternativlıq principine tiykarlanǵan sistemasın engiziw.
- Advokatlar sanın keminde 2000 danaǵa kóbeytiw.
- Puqaralıq, hákimshilik hám ekonomikalıq isler boyınsha advokatlar hám de sud, huqıqtı qorģaw uyımları hám basqa mámleket shólkemleri arasında elektron hújjetler almaslawı dárejesin keminde 50 procentke jetkiziw.
Xojeli rayonı ádillik bólimi baslıģı A.Shabatov