Янгиликлар
22
Qanaatlandırılģan múrájatlar
Qanaatlandırılģan múrájatlar
Xojeli rayonı ádillik bólimine, Xojeli rayonı “Tınıshlıq” MPJ, Paraxatshılıq kóshesi 259-úyde jasawshı puqara Kazaxbaev Turdibay Maxset Ulı óziniń ómir joldası Sabirova Gulnaz 10-sanlı ulıwma bilim beriw mektebinde kadrlar boyınsha menedjer lawazımında isletuģınlıģın, 2025-jıl 1-may sánesinen baslap hámledarlıq hám tuwıw dem alısına shıqqanlıģı, bıraqta pulları túspegenligine narazı bolıp jazģan múrájati kelip tústi.
Usı múrájat boyınsha Xojeli rayonı 10-sanlı ulıwma orta bilim beriw mektebi tárepinen 2025-jıl 2-may kúngi “Mekteptiń kadrlar boyınsha menedjeri Sabirova Gulnaz Bazarbaevnaģa 2025-jıl 1-may sánesinen 3-sentabr sánesine shekem hámledarlıq tuwıw dem alısın beriw haqqında”ģı 452-13-191-DUM/2025-sanlı buyrıģı qabıl etilgen bolsada Xojeli rayonı mektepke shekemgi hám mektep bilimlendiriw bólimi tárepinen hámledarlıq hám tuwıw napaqa pulları tólenbegenligi anıqlandı.
Sonday-aq, Xojeli rayonı 10-sanlı ulıwma orta bilim beriw mektebi tárepinen Xojeli rayonı mektepke shekemgi hám mektep bilimlendiriw bólimine 02.05.2025-jılģı 452-13-19l-DUM/2025-sanlı buyrıģın óz waqtında bermegenligi sebepli tólem pulları waqtınan keshikkenligi anıqlandı.
Ózbekstan Respublikası miynet kodeksiniń 404-statyasında áyelge tuwıwģa shekem 70 (jetpis) kalendar kún hám de tuwıwdan keyin 56 (elliw altı) kalendar kún tuwıw qıyın keshken yaki eki yamasa odan artıq bala tuwılģan táģdirde 70 (jetpis) kalendar kún hámledarlıq hám tuwıw dem alısı berilip, nızamshılıqta belgilengen tártipte, bıraq ortasha aylıq is haqısınıń 75 (jetpis bes) payızınan kem bolmaģanmuģdarda napaqa tólenedi deb belgilengen.
Ózbekstan Respublikası Ministrler Kábinetiniń 2024-jıl 31-maydaģı 314-san qararınıń 1-qosımshası menen tastıyıqlanģan “Waqtınsha miynetke jaramsızlıq, hámledarlıq hám tuwıw boyınsha napaqalardı hám de jańa tuwılģan balanı perzentlikke alģan yamasa oģan qáwender etip belgilengen xızmetkerge napaqalardı belgilew hám de tólew tártibi tuwrısında"ģı REJEniń 69-bántinde waqtınsha miynetke jaramsızlıq napaqaları is haqı tólew ushın belgilengen múddetlerde tólenedi dep kórsetilgen.
Xojeli rayonı ádillik bólimi tárepinen Xojeli rayonı 10-sanlı ulıwma orta bilim beriw mektebine USINIS kiritilip, puqara Sabirova Gulnazģa tóleniwi lazım bolģan hámledarlıq hám tuwıw napaqa pulları tólep berilip, qáte hám kemshiliklerge jol qoyģan xızmetker Sarsenbayeva Gulbanuģa intizamıy jaza sharası kórildi.
Xojeli rayonı ádillik bólimi bas máslahatshısı B.Otepov.