Янгиликлар
19
Nizamshiliqtaǵi jańaliqlar
Nizamshiliqtaǵi jańaliqlar
Jumıssızlıq napaqası tek ǵana miynet shártnaması biykar etilgen shaxslarǵa tólenedi
Pármanǵa bola, 2025-jıl 1-noyabrden xojalıq júrgiziwshi subektler tómendegi shaxslar ushın jumıs orınlarınıń májbúriy rezervlerin qáliplestiredi:
mayıplıǵı bolǵan shaxslar;
shańaraqlıq (turmıslıq) zorlıqtan jábirlengen shaxslar;
Kámbaǵal shańaraqlar reestrindegi shańaraqlardıń aǵzaları;
alternativ jaylastırıw túrlerinde tárbiyalanǵan jetim shaxslar;
ata-anası qaramaǵınan ayırılǵan shaxslar.
Bunda májbúriy rezervlew:
xızmetkerler ulıwma sanınıń 3 procentinen aspawı lazım;
xızmetkerleri sanı 100 den artıq bolǵan shólkemlerge qollanıladı.
Sonday-aq, 2025-jıl 1-noyabrden jumıssızlıq napaqası tek ǵana miynet shártnaması biykar etilgen shaxslarǵa tólenedi. Bunda:
jumıssızlıq napaqası sońǵı 5 jılda keminde 18 ay islegen shaxslarǵa miynet shártnaması biykar etilgennen soń olar 6 ay ishinde múrájat etkende, olardıń sońǵı 18 aylıq ortasha miynet haqısı esabınan 3 ay dawamında tólenedi;
1-ayda ortasha aylıq is haqınıń 75 procenti, biraq miynetke haqı tólewdiń eń kem muǵdarınıń 3 esesinen aspaǵan muǵdarda tólenedi;
2- hám 3-aylarda bolsa ortasha aylıq miynet haqınıń 50 procenti, biraq miynetke haqı tólewdiń eń kem muǵdarınıń 3 esesinen aspaǵan muǵdarda tólenedi.
Jumıssızlıq napaqasın qaytadan belgilewde dáslepki tayınlanǵan napaqanı alıw múddeti tamam bolǵannan soń qosımsha túrde keminde 12 aylıq jumıs stajı talap etiledi.
Qánlikól rayonı ádillik bólimi
Mámleketlik Xızmetker Orayı bas qánigesi I.Djumanazarov