Янгиликлар
19
Átirap - ortalıq - bul bizge amanat!
Átirap - ortalıq - bul bizge amanat!
Global ekologiyalıq máselelerge qarsı gúresiw, olardıń qáwipi hám unamsız tásirinlerin kemeytiw, tábiyatımızdı asıraw, qorshaǵan ortalıqtı taza saqlaw hár bir insannıń wazıypasına aylanıp atır. Jasap atırǵan ortalıǵımızdıń hawa sapası, suw resurslariniń tazalıǵı, terek hám ósimlikler, haywanat dúnyası - bulardıń barlıǵı biziń ómirimızge tikkeley tásir etedi. Sol sebepli, Ózbekstanda xalıqtıń ekologiyalıq mádeniyatın asırıw boyınsha zárúrli qádem qoyılmaqta.
2024-jılda Prezidentimizdiń baslaması menen "2030-jılǵa shekem xalıqtıń ekologiyalıq mádeniyatın kóteriw kontseptsiyasi" tastıyıqlandi. Bul hújjet hár bir puqaranıń tábiyatqa bolǵan qatnasın ózgertiw, jas awladtı ekologiyalıq sanalı etip tárbiyalawǵa qaratılǵan.
Bul Kontseptsiya ana tábiyattı asırap abaylaw hár bir shaxstıń wazıypası bolıwına erisiw, tábiyat hám adamlar qatnaslarında xalıqtıń qorshaǵan ortalıqqa abaylılıraq bolıw sezimin qáliplestiriw, xalıq, ásirese, jaslar sanasına tábiyatqa muhabbat ruhın, nızamlarǵa ámel etiw túsiniklerin sińirip barıw, konstituciyamızda hár kim qolay qorshaǵan ortalıqqa, onıń jaǵdayı haqqındaǵı isenimli maǵlıwmatqa ıye bolıw huqıqına iye ekenligi, mámleket puqaralardıń ekologiyalıq huqıqların támiyinlew hám qorshaǵan ortalıqqa zıyanlı tásir kórsetiliwine jol qoymaw maqsetinde qalasazlıq iskerligi jónelisinde jámiyetshilik qadaǵalawın ámelge asırıw ushın shárt-shárayatlar jaratılıwı qatań belgilep qoyılǵan.
Kontseptsiyada belgilengen wazıypalardıń ámelge, júzege shıǵıwı zárúrli áhmiyetke iye bolıp, onıń ushın, eń birinshi, xalıqtıń ekologiyalıq mádeniyatın kóteriwdiń huqıqıy hám kónlikpe bazasın rawajlandırıw, kadrlar tayarlaw, qayta tayarlaw hám de olardıń mamanlıǵın asırıw sistemasın elede jetilistiriw.
Shańaraqta ekologiyalıq tárbiyanı qáliplestiriw hám ekologiyalıq mádeniyattı kóteriwge bólek itibar qaratıladı. Ekologiyalıq tálim hám tárbiyanı qáliplestiriw hám de kóteriwde mektepge shekem tálim, ulıwma orta hám orta arnawlı tálim sisteması shólkemleri roli asıriladı.
Aqırǵı jıllarda global ısıw, hawa pataslanıwı, jerdiń zıyanlanıwı sıyaqlı mashqalalar dúnyada aktual bolıp turıptı. Ózbekstan da bul mashqalalardan shette emes. Sol sebepli, bul kontseptsiya arqalı tómendegi maqsetlerge erisiw názerde tutılǵan :
• Xalıq arasında ekologiyalıq bilim hám maǵlıwmatlardı keń túrde úgit násiyatlaw ;
• Mektep hám baqshalarda balalardı tábiyattı húrmet etiwge úyretiw;
• Jaslardı hám hayal-qızlardı ekologiyalıq joybarlarda belsene qatnastırıw ;
• Jergilikli hákimiyatlar, jámiyetlik shólkemleri, úalaba xabar quralları keń túrde úgit-násiyatlaw jumısların alıp barıw;
• Qorshaǵan ortalıqtı pataslantirganlarga juwapkerlikti kúshyttiriw.
Hár bir puqara óziniń kúndelikli turmısında tómendegilerge itibar beriwi kerek:
• Shıǵındılardı jerge taslamaw, arnawlı orınlarǵa salrıw;
• Suw hám elektr energiyasınan únemli paydalanıw;
• Terek nállerin egiw, olardı qásterlep saqlaw;
• Balalarımızdı tábiyattı súyiwge úyretiw;
• Ekologiyalıq ilajlarda belsene qatnasıw.
2030-jılǵa shekem ámelge asırılatuǵın bul koncepciya arqalı mámleketimizde ekologiyalıq mádeniyat joqarı dárejege shıǵıwı kútilmekte. Bul - tek ǵana mámleket emes, al hár bir puqaranıń qatnasıwın talap etetuǵın process.
Taza hawa, taza tábiyat, salamat keleshek - bizden baslanadı. Keliń, tábiyatqa birgelikte ǵamqorlıq eteyik!
Taxtakópir rayonı yuridikalıq xızmet kórsetiw
orayı bas yuriskonsultı D.A.Shaxanov