Янгиликлар
13
Konstituciya - siyasiyi huqıqlar.
Konstituciya - siyasiyi huqıqlar.
Aldımızda úlken siyasiy mapaz ,Kostituciyamızdıń 34 jıllıǵı nıshanlanıw aldındamız.
Ǵárezsiz demokratiyalıq joldan isenimli qádem taslap baratırǵan Ózbekstannıń eń ullı maqseti, bárinen burın, xalqımızdıń mápleri gózlengen reformalardı ámelge asırıwǵa qaratılǵanı menen itibarlı ekenin atap ótiw kerek.
Sońǵı jıllar dawamında mámleketimiz basshısı tárepinen alǵa qoyılǵan elimizde ámelge asırılıp atırǵan demokratiyalıq reformalardı jáne de tereńlestiriw, puqaralıq jámiyetin bunnan bılay da rawajlandırıw, insan huqıqları menen erkinliklerin kepillew, ótken dáwir dawamında mámleketimizde mámleketlik hákimiyat hám basqarıwdı demokratiyalastırıw tarawında ámelge asırıwǵa qaratılǵan reformalar boyınsha oǵada áhmietli ilajlardıń izbe-iz turmısqa engizilip atırǵanın kóriwimiz múmkin.
Insan huqıqları menen bir qatarda Konstituciyamızdıń VIII babı tikkeley Siyasiy huqıqlarǵa arnalǵan. Atap aytqanda 36-statyasında Ózbekstan Respublikasınıń puqaraları jámietlik hám mámleketlik jumıslardı basqarıwda tikkeley hám óz wákilleri arqalı qatnasıw huqıqına ie. Bunday qatnasıw ózin-ózi basqarıw, referendumlar ótkeriw hám mámleketlik uyımlardı demokratiyalıq tárizde qáliplestiriw, sonday-aq, mámleketlik uyımlardıń jumısı ústinen jámietlik qadaǵalaw arqalı ámelge asırılıwı.
Mámleketlik uyımlardıń jumısı ústinen jámietlik qadaǵalawdı ámelge asırıw tártibi nızam menen belgilengenligi.37-statyasında Ózbekstan Respublikasınıń puqaraları mámleketlik xızmetke kiriwde teń huqıqqa ie hám Mámleketlik xızmetti ótew menen baylanıslı sheklewler nızam menen belgilenıwı. 38-statyasında bolsa Puqaralar ózleriniń jámietlik belsendiligin Ózbekstan Respublikası nızamlarına muwapıq mitingler, jıynalıslar hám demonstraciyalar túrinde ámelge asırıw huqıqına ie. Hákimiyat uyımları tek ǵana qáwipsizlik kózqarasınan bunday ilajlardı ótkeriwdi toqtatıw yamasa qadaǵan etiw huqıqına iye ekenlikleri belgilep qoyılǵan.
Juwmaq ornında aytatuǵın bolsaq, elimizde bolıp atırǵan úlken tariyxıy ózgerisler hám jańalanıwlar dáwirinde bárinen burın, insan hám onıń huqıqları menen erkinliklerin qorǵaw jáne xoshametlew birinshi gezektegi wazıypalardan esaplanadı.
Bunda, sózsiz, Ózbekstan Respublikasınıń Konstituciyasınıń ornı sheksiz.
Ózbekstan Respublikası Konstituciyası shın mánisinde, ulıwma insanıylıq demokratiya principlerine tiykarlanǵan halda onda insan, onıń ómiri, erkinligi, abırayı, qádir-qımbatı hám basqa da qol qatılmas huqıqları joqarı qádiriyat esaplanıp, shaxstıń huqıqları menen erkinlikleri nızamlar menen qorǵalıwınıń ózi, óz gezeginde, shın mánisinde Konstituciyada insan huqıqları menen erkinlikleriniń tolıq kepillengenin bildiredi.
Shımbay rayonı ádillik bólimi bas másláhatshısı A.Dastenov