Янгиликлар
12
Miynet nızamshılıģında hayal-qızlarģa berilgen jeńillikler
Miynet nızamshılıģında hayal-qızlarģa berilgen jeńillikler
Házirgi kúnde hayal-qızlardıń bántligin támiynlew boyınsha ilájlar jedellik penen ámelge asırılıwı natiyjesinde olardıń jumıs penen bántlik dárejesi hám jámiyettegi ornı jıldan jılģa asıp barmaqta.
Olardıń miynet iskerligi babındaģı ózgeshelikleri Ózbekstan Respublikası Miynet Kodeksinde hám basqa nızamshılıqlarda kórsetilgen.
Miynet Kodeksiniń 392-statyasına tiykar hámiledarlıǵı yamasa perzentleri bar ekenligi menen baylanıslı sebepke bola jumısqa qabıl etiwdi biykarlaw, jumıstan bosatıw yamasa is haqısın azaytıw qadaǵan etiledi.
Jumıs beriwshi jumısqa qabıl etiwdi biykarlaǵan jaǵdayda, jumısqa qabıl etiw huqıqına iye bolǵan lawazımlı shaxs tárepinen imzalanģan biykarlaw sebepleriniń jazba tiykarın hámiledar hayal yamasa balaları bar shaxstıń talabı boyınsha úsh kún ishinde usınıwı shárt. Jumısqa qabıl etiwdi biykarlaw sebepleriniń jazba tiykarın kórsetpew jumısqa qabıl etiwdi biykarlaw ústinen shaǵım etiwge tosqınlıq etpeydi.
Sonday-aq, jumıs beriwshi hámiledar hayaldıń, on tórt jasqa tolmaǵan balanıń (on altı jasqa tolmaǵan mayıplıǵı bolǵan balanıń) ata-anasınan biriniń (ata-ana ornın basıwshı shaxstıń), sonday-aq shańaraqtıń kesel jaģdaydaģı aǵzasına ǵamxorlıq etiwdi ámelge asırıp atırǵan shaxstıń iltimasına tiykar olarǵa medicinalıq juwmaqqa muwapıq tolıq emes jumıs waqtın belgilewge májbúr esaplanadı.
Bunnan tısqarı hámiledar yamasa úsh jasqa shekemgi balası bar hayal xızmetkerlerdiń is waqtı, tánepisler, miynet dem alısı hám is beriwshi menen miynet shártnamasın biykar etiwdegi kepillikler de kórsetip ótilgen bolıp, olar Miynet Kodeksindegi arnawlı statyalar menen tártipke salınadı.
Nókis rayonı ádillik bólimi
Yuridikalıq xizmet kórsetiw orayı bas yuristkonsuktı A.Dauletbaeva