Янгиликлар
30
Miynet nızamshılıǵında xızmetkerdiń minnetlemeleri
Miynet nızamshılıǵında xızmetkerdiń minnetlemeleri
Miynet nızamshılıǵında xızmetkerdiń minnetlemeleri Ózbekstan Respublikası Miynet kodeksiniń 22-statyasında belgilengen.
Xızmetker:
miynet tuwrısındaǵı nızamshılıqqa hám miynet haqqındaǵı basqa huqıqıy hújjetlerge, miynet shártnamaları shártlerine ámel etiwi;
miynet shártnaması menen óz moynına júkletilgen miynet minnetlemelerin hújdan menen orınlawı ;
ishki miynet rejimine ámel etiwi;
miynet intizamına ámel etiwi;
belgilengen miynet normaların orınlawı ;
miynetti qorǵaw talaplarına, texnologiya intizamına, miynet qawipsizligi hám islep shıǵarıw sanitariyası qaǵıydalarına ámel etiwi;
is beriwshiniń múlkine, sonday-aq úshinshi adamlardıń jumıs beriwshide turǵan múlkine, eger jumıs beriwshi bul múlktiń pútin saqlanıwı ushın juwapker bolsa ıqtıyatlı munasebette bolıwı ;
is beriwshige jetkizilgen materiallıq zıyannıń ornın usı Kodeksde belgilengen tártipte hám sheńberde qaplawı ;
insanlardıń turmısı hám sawlıǵına, jumıs beriwshiniń mal-múlki pútin saqlanıwına qáwip salatuǵın jaǵday júzege kelgenligi tuwrısında jumıs beriwshi yamasa tikkeley baslıǵın tez xabar etiwi;
basqa xızmetkerlerdiń óz miynet minnetlemelerin orınlawına tosqınlıq etiwshi háreketlerdi islemewi shárt.
Xızmetkerdiń miynet tuwrısındaǵı basqa huqıqıy hújjetlerge hám miynet shártnamasına muwapıq basqa minnetlemeler de bolıwı múmkin.
Qońırat rayonı ádillik bólimi
yuridikalıq xızmet kórsetiw
orayı bas yuriskonsulti M.K.Seytbaeva