Янгиликлар
25
Qaraqalpaqstan Respublikası Ádillik ministrliginiń 2025-jıldıń 6 ayı dawamında ámelge asırılǵan jumısları
Qaraqalpaqstan Respublikası Ádillik ministrliginiń 2025-jıldıń 6 ayı dawamında ámelge asırılǵan jumısları
Ministrliktiń tiykarǵı wazıypalarınan biri birden-bir mámleketlik huqıqıy siyasattı júrgiziw, norma dóretiwshiligi jumısların muwapıqlastırıw, mámleketlik hám xojalıq basqarıw, jergilikli mámleketlik hákimiyatı uyımları jumıslarında huqıqtı qollaw ámeliyatın izshil hám bir túrde támiyinlew boyınsha ilajlardı ámelge asırıw bolıp tabıladı.
Bul baǵdarda ministrlik tárepinen 2025-jıldıń 6 ayı dawamında bir qatar jumıslar ámelge asırıldı.
Atap aytqanda, fizikalıq hám yuridikalıq shaxslardan ministrlik hám rayon (qala) ádillik bólimlerine jámi 3 125 múrájatlar kelip tústi, usınnan 1 700 múrájat qanaatlandırılıp, múrájatshılar huqıqları tiklendi.
Sudlarǵa jámi summası 4 mlrd 17 mln swmnan artıq 579 dana dawa arzaları kirgizilip, puqaralardıń huqıqları sud tárepinen tikleniwine erisildi.
Ministrlikke kelip túsken múrájatlar tallawdan ótkerilgende múrájatlardıӊ kópshiligin miynet, úy-jay, sociallıq qorǵaw, mámleketlik xızmetler kórsetiw hám puqaralıq halatı aktlerin jazıw tarawları menen baylanıslı ekenligi kórsetpekte.
Ministrlik tárepinen anıqlanǵan nızambuzılıwı jaǵdayları hám olardı saplastırıw tarawında mámleketlik uyımları hám shólkemlerinde nızamshılıqtıń durıs tártipke salınıwı ústinen turaqlı ráwishte monitoring alıp barılmaqta.
Usınıń nátiyjesinde, 2025-jıldıń 6 ayı dawamında mámleketlik uyımları hám shólkemleri tárepinen 24 153 jaǵdaylarda nızam buzılıwlarına jol qoyılǵan.
Anıqlanǵan nızambuzılıwı jaǵdayların saplastırıw boyınsha 561 usınıslar, 106 eskertiwler kirgizildi.
Mámleketlik uyımları hám shólkemlerinde 354 úyreniwler ótkerildi.
Kirgizilgen usınıslarǵa tiykar fizikalıq hám yuridikalıq shaxslardıń 17 mlrd 451 mln swmlıq pul qarjıları qaytarıldı hám tólep berildi, 346 shaxslar hákimshilik juwapkershilikke tartıldı.
Mámleketlik emes kommerciyalıq emes shólkemleri jumısların muwapıqlastırıw tarawında Respublikada jámi 645 mámleketlik emes kommerciyalıq emes shólkemleri, sonday-aq, 67 diniy shólkemler, usınnan
65 islamiy, 2 naislamiy hámde 16 tóreshilik sudları óz iskerligin kórsetip kelmekte.
Mámleketlik emes kommerciyalıq emes hám diniy shólkemler menen baylanıslı barlıq mámleketlik xızmetlerin kórsetiw e-ngo.uz saytı arqalı tolıq ámelge asırılmaqta.
Ministrlik tárepinen xalıq huqıqıy mádeniyatın ele de jetilistiriw maqsetinde, 33 mıńnan aslam huqıqıy úgit-násiyat ilajları ótkerildi.
Usınnan, 3050 ǵalaba xabar qurallarında ámelge asırıldı hám de 19 mıńnan aslam awızeki huqıqıy úgit-násiyat ilajları ótkerildi.
Huqıqıy úgit-násiyat hám aǵartıwshılıq tarawında jaӊadan qabıl etilgen
541 normativ-huqıqıy hújjetlerdi tastıyıqlanǵan dizim boyınsha Respublika aymaǵındaǵı 121 mámleketlik uyımları hám shólkemlerine jetkerip berildi.
Yuridikalıq xızmetler tarawında Respublikada rayon (qala) ádillik bólimleri quramında 17 Yuridikalıq xızmet kórsetiw orayları shólkemlestirildi.
Búgingi kúnde oraylar tárepinen 20 mámleketlik uyımları
hám shólkemlerine, 726 mámleketlik ulıwma bilim beriw mekteplerine,
436 mámleketlik mektepke shekemgi bilimlendiriw shólkemlerine
hámde 97 kóp tarmaqlı oraylasqan hám shaӊaraqlıq poliklinikalarına yuridikalıq xızmetler kórsetilmekte.
Huqıqıy xızmet kórsetiw tarawında házirde Qaraqalpaqstan Respublikasında 64 jeke ámeliyat penen shuǵıllanıwshı notariuslar óz jumısların alıp barmaqta.
Bunnan tısqarı, 163 dana advokatlıq dúzilmeleri dizimnen ótkerildi. Usınnan, byurolar – 150, firmalar – 11, kollegiya – 2 ni quraydı.
Jergilikli mǝmleketlik hǝkimiyatı uyımları tǝrepinen ǝdillik uyımalarına normativ tústegi 68 qarar joybarları huqıqıy ekspertizadan ótkeriw ushın kelip túsken, sonnan 47 qarar joybarlarına unamlı juwmaklar, 21 qarar joybarlarına belgilengen talaplarǵa ǝmel qılınbaǵanlıǵı sebepli qaytarılǵan.
Mámleketlik xızmetlerin kórsetiwshi uyımlar tárepinen esabat dawirinde
7 963 nızambuzıwshılıq jaǵdaylarına jol qoyılǵan.
Tarawdaǵı kemshiliklerdi saplastırıw maqsetinde mámleketlik uyımları jumısında 7 monitoringler ótkerildi, anıqlanǵan nızambuzıwshılıqlardı saplastırıw hám aldın alıw maqsetinde 25 usınıslar kirgizildi, 182 lawazımlı shaxsları hám juwapker xızmetkerleri hákimshilik juwapkershilikke tartıldı.
Mámleketlik xızmetleri orayları hám PHAJ uyımları iskerligin muwapıqlastırıw tarawında jámi 548 mıńan aslam mámleketlik xızmetleri kórsetildi.
Kóshpeli tártipte 41 mıńnan aslam xızmetler rayon (qala) oraylarınan alıs aymaqlarǵa barǵan halda kórsetildi, 5 275 isbilermenlik subyektleri mámleketlik dizimnen ótkerildi.
PHAJ uyımarınıń jumısların muwapıqlastırıw tarawında 30 mıń 176 akt jazıwları rásmiylestirildi.
Usınnan, tuwılǵanlıqtı dizimge alıw 17 901, nekeni dizimge alıw 5 721, nekeden ajırasqanlıq 933, ólimdi dizimge alıw jaǵdayı 5 621 di quraydı.
Conıń menen qatarda, PHAJ bólimleri tárepinen 3 mlrd 139 mln sumnan artıq mámleketlik bajıları hám gerb jıyımı pulları óndirilgen.
Bunnan tısqarı, rayon (qala) PHAJ bólimleri tárepinen arxivlerde qaǵaz kórinisinde saqlanıp atırǵan 3 mln. 700 mıńnan artıq akt jazıwları “PHAJdıń birden-bir elektron arxivi” málimleme sistemasına kirgizilip, sanlastırılıwı támiyinlendi.
Juwmaqlap aytqanda, hár bir islengen jumıslar artında insan hám jámiyet mápleri turǵanlıǵın tereń ańlaǵan halda, aldaǵı iskerligimizde xızmet wazıypamızdı ele de juwapkershilik penen dawam ettirip, jámiyette nızamlılıqtı elede bekkemlewge hám de insan huqıqları nátiyjeli qorǵalıwın támiyinlewdiń barlıq ilajları kóriliwine ayrıqsha itibarımızdı qaratamız.
Rejelestiriw hám qadaǵalaw-tallaw sektorı baslıǵı,
3-dárejeli ádillik másláhátshisi I.Aldabergenov