Янгиликлар
03
Korrupсiyaga qarsı birgelikte gúresemiz.
“Korrupciya” - mámleket shólkemleri xızmetkerleri máteriallıq yamasa múlkiy tártipte nızamsız jeke payda kóriw maqsetinde óz xızmet wazıypasınan paydalanıwıda sáwlelenetuǵın social hádise bolıp tabıladı. Biraq tek mámleket xızmetkerleri korrupciya iskerliginiń subektleri esaplanadı, sebebi korrupciyalıq qatnasıqlar júzege keliwine sebep bolatuǵın qararlar qabıllaw yamasa háreketler islew ushın hákimiyat wakilligine tek ǵana olar iye boladı.
Búgingi kúnge kelip respublikamızda korrupciyaǵa qarsı gúresiw jáne onıń aldın alıwdıń bekkem huqıqıy bazası hám anıq sisteması qáliplesti.
Ózbekstan 2008-jılda Birlesken Milletler Shólkeminiń Korrupciyaǵa qarsı Konvensiyasına, sonıń menen birge, 2010-jılda Ekonomikalıq sheriklik hám rawajlanıw shólkemi sheńberinde qabıl etilgen Korrupciyaǵa qarsı gúresiw boyınsha Istanbul Háreket rejesin ratifikatsiya etti ham 2017-jıl 3-yanvarda «Korrupciyaǵa qarsı gúresiw haqqında»ǵı nızamı ham Ózbekstan Respublikası Prezidentiniń 2020-jıl 29-iyundaǵı PP-6013-sanlı “Ózbekstan Respublikasında Korrupciyaǵa qarsı gúresiw sistemasın jánede jetilistiriw boyınsha qosımsha ilajlar haqqında”ǵı pármanı qabıl etildi. Usı qarar tiykarında korrupciyanıń aldın alıw hám oǵan qarsı gúresiw tarawında mámleket siyasatın, sonday-aq, korrupciyaǵa tiyisli huqıqbuzarlıqlardı saplastırıw hám de korrupciyaǵa qarsı sapalı gúresiw maqsetinde Korrupciyaǵa qarsı gúresiw Agentligi shólkemlestirildi.
Ulıwma alǵanda, korrupciya hádiysesine sózdiń keń mánisin baǵdarlaytuǵın bolsaq, bul ápiwayı jınayat yamasa huqıqbuzarlıq emes, bálki ruwxıy-mádeniy buzılıw jaǵdayı bolıp tabıladı. Sonday eken, usı illetke qarsı gúresde tekǵana mámleket shólkemleri emes, bálki, jámiyet hám ulıwma barlıq puqaralarımız juwapker bolıp tabıladı.
Qaraózek rayonı ádillik bólimi
Yuridikalıq xızmet kórsetiw
orayı bas yuriskonsultı Tleubayev Timur