Янгиликлар
22
Mayıplıǵı bolǵan shaxslardıń bántligin támiyinlegen isbilermenlerge subsidiya ajıratıw tártibi belgilendi
Ózbekstan Respublikası Ministrler Kabinetiniń 2025-jıl 1-iyul kúngi “Mayıplıǵı bolǵan shaxslardıń bántligin qollap-quwatlawdıń qosımsha ilajları haqqında”ǵı 405-sanlı qararı menen “Mayıplıǵı bolǵan shaxslardıń bántligin támiyinlewge kómeklesiw, olardıń bántligin támiyinlew hám miynetin qollap-quwatlawdı xoshametlew tártibi haqqında”ǵı Reje tastıyıqlandı.
Reje mayıplıǵı bolǵan shaxslardıń bántligin támiyinlegen isbilermenler hám de jeke menshik bántlik agentliklerine tómendegi qollap-quwatlaw ilajların usınıw tártibin belgileydi:
bántlikke kómeklesiw subsidiyası;
jumıs orınlarına beyimlestiriw subsidiyası.
Nızamshılıqqa kóre, “Mayıplıǵı bolǵan shaxslardıń bántligine járdemlesiw elektron reestri” málimleme moduli júrgiziledi.
Bántlikke kómeklesiw subsidiyası tómendegi talaplarǵa juwap beretuǵın isbilermenlerge ajıratıladı:
elektron reestrde turǵan I hám (yaki) II topar mayıplıǵı bolǵan shaxstı keminde 3 ay dawamında úzliksiz rásmiy bántligin támiyinlegen;
usı dáwirde oǵan hár ayda miynetke haqı tólew eń kem muǵdarınıń
2 esesinen kem bolmaǵan muǵdarda is haqı tólegen.
Jumıs orınlarına beyimlestiriw subsidiyası bántligi támiyinlengen I hám (yaki) II topar mayıplıǵı bolǵan shaxslar ushın surdoawdarmashı, psixolog yamasa sheriklik xızmetin shólkemlestirgen isbilermenlerge 50 mln swmǵa shekemgi muǵdarda ajıratıladı.
Subsidiyanıń hár aylıq muǵdarı tómendegishe:
surdoawdarmashı xızmeti ushın BEMnıń 8 esesi;
psixolog xızmeti ushın BEMnıń 10 esesi;
sheriklik xızmeti ushın BEMnıń 5 esesi.
Isbilermenler usı subsidiyalardı alıw ushın “Birden-bir milliy sociallıq qorǵaw” málimleme sisteması yamasa BIMXP (https://my.gov.uz/) arqalı elektron sorawnamanı toltırıw arqalı múrájat etedi.
Nókis qalası ádillik
bólimi bas másláhátshisi A.Nurabullayev