Янгиликлар
25
Nızamshılıqtaģı jańalıqlar
Nızamshılıqtaģı jańalıqlar
Avtotransport quralların mayıplıǵı bolǵan shaxslardıń mútájliklerine beyimlestiriw qárejetleri qaplap beriledi
Húkimet qararı (377-san, 18.06.2025 j.) menen "Avtotransport quralların mayıplıǵı bolǵan shaxslardıń mútájliklerine beyimlestiriw qárejetlerin qaplaw boyınsha mámleketlik xızmetti kórsetiw"diń hákimshilik reglamenti tastıyıqlandı.
Reglamentke bola, avtotransport quralların mayıplıǵı bolǵan shaxslardıń mútájliklerine beyimlestiriw qárejetleriniń 50 procenti, biraq BEMnıń 30 esesine shekemgi bólegi qaplap beriledi.
Onda qárejetler 2024-jıl 1-oktyabrge shekem qalalıq, qala átirapı, qalalararalıq avtobusta jolawshı tasıw jónelislerin biriktiriw boyınsha tenderde jeńimpaz bolıp, usı jónelislerde xızmet kórsetken isbilermenlerdiń hár bir avtobusi ushın qaplanadı.
Sonday-aq, 2024-jıl 1-noyabrden I topar mayıplıǵı bolǵan shaxslardıń óz atına rásmiylestirilgen hám jeke paydalanıwında bolǵan 1 dana avtotransport quralı ushın ámelge asırıladı.
Avtotransport quralların tómendegiler menen úskenelew onı mayıplıǵı bolǵan shaxslardıń mútájliklerine beyimlestiriw dep tán alınadı:
isbilermenlerdiń avtobusları ushın:
▪️ jıynalatuǵın pandus (1 dana);
▪️ audio hám vizual málimleme beriwshi monitor (1 dana);
▪️ málimleme beriwshi kolonka (kóbi menen 3);
▪️ maǵlıwmatlardı jetkerip beriwshi mikrofon (1 dana);
▪️ baylanıs túymesi;
▪️ bándirgiler haqqında málimleme alıw imkaniyatın beriwshi maǵlıwmatlar taxtası menen úskenelew (1 dana);
▪️ I topar mayıplıǵı bolǵan shaxslardıń jeke avtotransport quralları ushın:
gaz hám tormoz pedalın qol basqarıwına ótkeriw;
▪️ mexanikalıq uzatqıshtı avtomat uzatqısh etip qayta úskenelew qárejetleri.
Arza beriwshiler avtotransport quralı talaplarǵa beyimlestirilgen waqıttan baslap 90 kún ishinde "Insan" oraylarına yamasa "Birden-bir milliy sociallıq qorǵaw" málimleme sisteması yamasa YAIDXP (my.gov.uz) arqalı múrájat etiwi lazım.
Ellikqala rayonı ádillik bólimi
PHAJ bólimi 1-dárejeli inspektorı F.Jumaniyazov