Янгиликлар
25
Diplom dublikatın beriw boyınsha mámkeketlik xızmet kórsetiw tártibi.
Diplom dublikatın beriw boyınsha mámkeketlik xızmet kórsetiw tártibi.
Jámiyetshilikte ushırasatuǵın kúndelik mashqalalardan biri bul shaxstıń ózi ushın kerekli bolǵan maǵlıwmatların, hújjetlerin joytıp aliw jaǵdaylari bolip tabiladi.
Solardan biri - joqarı, orta yáki orta arnawlı bilimlendiriw mekemelerinde oqıǵanlıǵı haqqında diplomın joytıp alıw jaǵdayları bolıp, bunda óz diplomların joytıp alǵan shaxslar olardı tabıwda bir qansha qıyınshılıqlarǵa dus kelmekte. Ózbekstan Respublikası nızamshılıǵında bul protsessti apiwayilastiriw maqsetinde 2022-jıl 21-iyulda “Joqarı, orta arnawlı hám professional bilimlendiriw haqqındaǵı hújjetlerdiń dublikatın beriw boyınsha mámleketlik xizmetlerdi kórsetiwdiń hákimshilik reglamentin tastıyqlaw haqqında”ǵı 395-sanlı qararı qabil etilgen bolıp, hújjetlerdiń dublikatların alıw tártibi, talapları hám alıw múddetleri belgilengen.
Reglament tártibine kóre arza beriwshi fizikalıq tárepler mámleketlik xızmetler oraylarına (MXO) jeke ózi barǵan halda yamasa Ózbekstan Respublikası Birden-bir interaktiv mámleketlik xızmetler portalı (BIMXP) arqalı ózine zarúr bolǵan hujjetledi alıwı mumkin hám rásmiy hújjetler hám onıń dublikatı birdey yuridikalıq kúshke iye boladı. Bul Reglament áskeriy joqarı bilimlendiriw mákemelerine qollanılmaydı.
Bul xızmet atqarılırwında Ózbekstan Respublikası Joqarı hám orta arnawlı bilimlendiriw ministrligi janındaǵı Joqarı bilimlendiriwdi rawajlandırıw izertlewleri hám aldınǵı texnologiyalardı engiziw orayı, Pedagogikalıq innovaciyalar, kásip-óner bilimlendiriwi basqarıw hám pedagog kadrlardı qayta tayarlaw hám olardıń mamanlıǵın arttırıw institutı, Mádeniyat ministrligi hám Kórkem óner akademiyaları tárepinen xizmet kórsetiledi.
Arza beriwshi Mámleketlik xızmetler orayına jeke ózi kelip múrájat etkende MXO xızmetkeri arza beriwshi atınan elektron sorawnama toltıradı hám 10 minut ishinde wákillikli uyımǵa elektron tárizde jiberiledi. Bunda Mámleketlik xızmet kórsetilgenligi ushın bazalıq esaplaw muǵdarınıń bir esesi muǵdarında jıyım óndiriledi. Al eger sorawnama EPIMXP arqalı toltırilǵanda avtomatikalıq tárizde tiyisliligi boyınsha wákillikli uyımlarǵa jiberiledi ham (bazalıq esaplaw muǵdari) summasınıń 90 procenti muǵdarındaǵı qarjı óndiriledi.
Mámleketlik xızmetler kórsetilgenligi ushın jıyım tólemew mámleketlik xızmet kórsetiwden bas tartıw ushın tiykar bolıp esaplanadı.
Eger sorawnamada nadurıs maǵlıwmatlar kórsetilgen jagdayda, arza beriwshi olardı bes jumıs kúninen ibarat múddet ishinde saplastırıwı mumkin.
Arza beriwshiler mámleketlik xızmetten paydalanıwdan onı kórsetiwdiń hár qanday basqıshında bas tartıw huqıqına iye. Bunday jaǵdayda onıń sorawnaması kórip shıǵılmastan qaldırıladı hám tólengen jıyım summası qaytarılmaydı.
Wákillikli uyım sorawnama kelip túsken waqıttan baslap on jumıs kúni ishinde tiyisli bilimlendiriw mákemeleri jáne Kásiplik bilimlendiriwdi rawajlandırıw hám muwapıqlastırıw aymaqlıq basqarmaları tárepinen tastıyıqlanǵan hújjetler tiykarında joqarı, orta arnawlı hám professional bilimlendiriw haqqındaǵı hújjettiń dublikatın óziniń qolı hám móri menen rásmiylestiredi jáne bul haqqında arza beriwshini málimleme-kommunikaciya sisteması arqalı xabardar etedi.
Arza beriwshi bilimlendiriw haqqındaǵı hújjettiń dublikatın wákillikli uyımnan alıp ketedi.
Nókis qalası ádillik bólimi
Mámleketlik xızmetler orayı
aģa qánigesi D.Genjebaeva