Янгиликлар
25
Birden-bir interaktiv mámleketlik xızmetler portalı haqqında
Birden-bir interaktiv mámleketlik xızmetler portalı haqqında
Ózbekistan Respublikası birden-bir interaktiv mámleket xızmetleri portalı internet tarmaǵında Ózbekistan Respublikasınıń Húkimet portalı sheńberinde, sonday-aq, «bir ayna» principinde iskerlik kórsetedi.
Birden-bir portal arqalı interaktiv mámleket xızmetlerin kórsatish Ózbekistan Respublikası Ministrler Kábinetiniú 2017-jıl 15-sentyabrdegi "Ózbekiston Respublikası birden-bir interaktiv mámleket xızmetleri portalı arqalı elektron mámleket xızmetlerin kórsetiw rejimin jetilistiriw ilajları haqqında"ǵı 728-sanlı qararında keltirilgen Ózbekistan Respublikası birden-bir interaktiv mámleket xızmetleri portalı tuwrısındaǵı qaǵıydaǵa muwapıq esatan ótiw hám avtorizatciya qılıw processlerinen ótgen paydalanıwshılar ushın ámelge asırıladı.
Fizikalıq hám yuridikalıq shaxslardıń elektron portal arqalı mámleket shólkemleri menen ózara baylanısı, yaǵnıy húkimet tárepinen elektron mámleket xızmetlerin kórsetiliwi raqamlı ekonomikanıń ajıralmaytuǵın bólegi esaplanadı. Sol maqsette birden-bir interaktiv mámleket xızmetleri portalı (Birden-bir portal) iskerlik kórsetip kelinbekte.
Birden-bir portaldıń maqset hám wazıypaları bolıp arza beretuǵınlar ushın raqamlı húkimet sheńberinde mámleket shólkemleri menen qatnaslardı ámelge asırıw ushın pútkil mámleket boylab múmkinshilikler jaratıw;
- arza beretuǵınlar menen qatnaslardı ámelge asırıwda mámleket basqarıwı sistemasında “bir ayna” Principin ámelge asırıw;
- mámleket xızmetlerin kórsetiwdiń aaıq mexanizmlerin jaratıw, múddetlerdi kemeytiw hám olardı kórsetiw rejiminiń orınlanıwın oraylastırılǵan baqlaw jolı menen mámleket xızmetlerin kórsetiw sapasın asırıw ;
- mámleket xızmetlerin alıwda xalıq, isbilermenlik subektleri hám mámleket shólkemleri ǵárejetlerin kemeytiw bolıp tabıladı.
Birden-bir portaldıń tiykarǵı wazıypaları paydalanıwshılarǵa mámleket shólkemlerine tuwrıdan-tuwrı shaqırıq qılıw ushın múmkinshilik beriw;
-paydalanıwshılardı informacion-kommunikaciya texnologiyaları salasındaǵı basqa joybarlar menen integraciyalaw;
-Paydalanıwshılardıń mámleket shólkemleri menen óz-ara sherikligi natiyjeliligin asırıw;
-mámleket shólkemlerine shaqırıq etilgende paydalanıwshılar ushın byurokratik tosıqlardı kemeytiw hám olardı jónge salıw;
«Elektron húkimet» sistemasın jáne de rawajlandırıw hám mámleket basqarıwına zamanagóy informaciya texnologiyaların ámelge jetiwge kómeklesiw.
Birden-bir portal zamanagóy informaciya texnologiyalarınan paydalanıw tiykarında interaktiv mámleket xızmetlerin alıwda paydalanıwshılardıń shárt-shárayatların rawajlandırıw hám múmkinshiliklerin keńeytiw ushın mórshellengen.
Elektron mámleket xızmetlerin informaciya hám interaktiv mámleket xızmetleri formasında kórsetiliwi múmkin.
Elektron mámleket xızmetlerin pulli yamasa biypul kórsetiledi.
Birden-bir interaktiv mámleket xızmetleri portalı arqalı fizikalıq hám yuridikalıq shaxslar mámleket xızmetlerinen paydalanıwda mámleket xızmeti kórsetiliwi ushın jıyım summasınıń 90 procenti óndiriledi.
Sonıń menen birge, puqaralar Mámleket xızmetler orayları arqalı kórsetilmeytuǵın mámleket xızmetlerinen birden-bir interaktiv mámleket xızmetlerin portal arqalı paydalanıwları hám ózlerine zárúr bolǵan sistemaǵa kiritilgen maǵlıwmatların da alıwları múmkin.
Shımbay rayonı ádillik bólimi
Mámleketlik xızmetler orayı
bas qánigesi A.Aytımbetov