Янгиликлар
25
Miynet shártnamasın dúziwde nelerge ahmiyet beriwi kerek.
Miynet shártnamasın dúziwde nelerge ahmiyet beriwi kerek.
Miynet shártnaması xızmetker hám jumıs beriwshi arasındaǵı táreplerdiń óz-ara huqıqları hám de minnetlemelerin belgileytuǵın shártlesiw bolıp, oǵan muwapıq xızmetker jumıs beriwshiniń mápin gózlep, bul shártlesiwde belgilengen miynet wazıypasın onıń basshılıǵı hám qadaǵalawı astında orınlaw, ishki miynet qaǵıydalarına ámel etiw minnetlemelerin, jumıs beriwshi bolsa xızmetkerge shártlesilgen miynet wazıypası boyınsha jumıs beriwshi xızmetkerge mıynet haqın waqıtında hám de tolıq muǵdarda tólew, miynet tuwrısındaǵı nızamshılıqta miynet haqqındaǵı basqa huqıqıy hújjetlerde hám bul shártlesiwde názerde tutılǵan miynet sharayatların támiyinlew minnetlemelerin óz juwapkershiligina aladı.
Miynet shártnamasına kiritiliwi shárt bolǵan shártler tómendegilerden ibarat:
jumıs jayı - xızmetker shártnamada shárt etip kórsetilgen miynet wazıypasına kóre miynet iskerligin ámelge asıratuǵın jumıs beriwshi menen birge xızmetker miynet etiwi kerek bolǵan jay bolıp tabıladi.
miynet wazıypası - arnawlı bir kásip, qánigelik, ilmiy tájriybe yamasa lawazım boyınsha jumıs, sonıń menen birge xızmetkerge tapsıriletuǵın jumıstıń anıq túri jumıstıń baslanıw sánesi xızmetker miynet shártnamasında shárt etip kórsetilgen jumıstı orınlawǵa kirisiwi kerek bolǵan kalendar sáne esaplanadı.
Miynet shártnaması jazba formada eki nusqada dúziledi hám bir nusqası xızmetkerge beriledi. Miynet shártnaması xızmetker hám jumısqa qabıllaw huqıqına iye bolǵan lawazımlı shaxstıń qolları menen bekkemlenip, qol qoyılǵan múddeti belgilep qóyıladı. Lawazımlı shaxstıń qolı kárxana móri menen tastıyıqlanadi.
Eger miynet shártnamasın dúziw názerde tutılǵan shártlerden qandayda biri shártnamaǵa kiritilmegen bolsa bul miynet shártnamasın duzilmegen tabıw yamasa onı bıykarlaw ushın tiykar bolmaydı. Miynet shártnaması qosımsha shártler menen toltırılıwı kerek. Bunda qosımsha shártler miynet shártnamasınıń ajıralmaytuǵın bólegi bolǵan miynet shártnamasına tiyisli jazba formada dúziletuǵın qosımsha shártlesiw menen belgilenedi.
Shımbay rayonı ádillik bólimi baslıǵı A.Ernashov