Янгиликлар
24
Tashkent mámleketlik yuridikalıq universiteti quramındaǵı akademiyalıq liceyler pitkeriwshilerin sáwbet tiykarında oqıwǵa qabıllaw tártibi belgilendi
Húkimet qararı (374-sanlı, 18.06.2025 j.) menen "Tashkent mámleketlik yuridikalıq universiteti quramındaǵı akademiyalıq liceylerdiń qábiletli pitkeriwshilerin "yurisprudenciya" baǵdarı bar joqarı bilimlendiriw shólkemlerine sáwbet tiykarında test sınawlarısız oqıwǵa qabıllaw tártibi haqqında"ǵı Waqıtınshalıq Reje tastıyıqlandı.
Reje 2023/2024 hám 2024/2025 oqıw jıllarında Tashkent mámleketlik yuridikalıq universiteti quramındaǵı akademiyalıq liceylerge qabıl etilgen oqıwshılarǵa qollanıladı.
Pitkeriwshiler 20-iyunǵa shekem joqarı bilimlendiriw shólkemleri bakalavriatına sáwbet tiykarında test sınawlarısız oqıwǵa kiriw ushın usınıs etiwdi sorap arnawlı komissiyaǵa arza beredi.
Arzaǵa tómendegi hújjetler qosımsha etiledi:
????pitkeriwshiniń shet tilin biliw dárejesin belgilewshi milliy yamasa xalıqaralıq sertifikat;
????pitkeriwshiniń jeke jetiskenlikleri, akademiyalıq liceydiń jámiyetlik turmısında belsene qatnasqanlıǵın tastıyıqlawshı hújjetler.
Usınıs etilgen pitkeriwshilerge joqarı bilimlendiriw shólkemleri bakalavriatına sáwbet tiykarında test sınawlarısız oqıwǵa kiriw huqıqı dáslepki 2 jıl ushın ámel etedi.
Hár jılı 1-iyulǵa shekem sáwbet komissiyası shólkemlestiriledi.
Jeke tártiptegi sáwbet nátiyjeleri 100 ballıq sistemada ballar qoyıw jolı menen bahalanadı.
Abiturient tómendegi jaǵdaylarda oqıwǵa qabıl etilmeydi:
????jeke tártiptegi sáwbet ótkeriw kestesine muwapıq sáwbetke kelmegende;
????jeke tártiptegi sáwbette belgilengen maksimal balldıń 56 procentinen kem ball toplanǵanda.
Hár jılı 10-avgustqa shekem joqarı bilimlendiriw shólkemleri rektorlarınıń abiturientlerdi bakalavriatqa oqıw ushın usınıs etiw haqqındaǵı buyrıqları qabıl etiledi.
Nókis qalası ádillik bólimi
PHAJ bólimi inspektorı Z.Madreymova