Янгиликлар
24
Materiallıq járdem tólep berildi
2025-jıl 4-iyun kúni “Mahalla adliya” elektron platforması arqalı puqara N.M nıń perzenti awır keselligi, onıń dári-dármaqları hám emleniwi ushın qarji kerekligi haqqında onlayn múrajat kelip tústi. Nókis rayonı ádillik bólimi Yuridikalıq xızmet kórsetiw orayı tárepinen múrajátshi menen sol kúni-aq baylanısıp Nókis rayonı Mektepke shekemgi hám mektep bilimlendiriw bólimine qaraslı 28-sanlı mektepte muģallim bolıp islewi anıqlandı.
Málim bolıwınsha qızı J.N haqıyqatında jaģdayı awır bolıp, bul jaģday gemorragik sindrom esabına júzege kelgenligi hám jaqında jáne operaciya bolıwı anıqlandı. Bul jaģday haqqında mekteptiń kadrlar boyınsha menedjeri menen baylanısıp, Ózbekstan Respublikası Ministrler Kabineti tárepinen 2019-jıl 9-sentyabrde qabıl etilgen “Ulıwma orta bilim beriw mákemeleriniń órnek kórsetken xızmetkerlerin materiallıq xoshametlew tártibin jetilistiriw haqqında”ģı Qararına tiykar xizmetkerge bir lawazım okladı muģdarında materiallıq járdem berildi.
Nókis rayonı ádillik bólimi
Yuridikalıq xızmet korsetiw orayı