Янгиликлар
24
Ádil miynet shárayatlarınan paydalanıw hár bir puqaranıń huqıqı.
Puqaralardıń miynet etiw menen baylanıslı tiykarǵı princpleri eń dáslep Konstituciyasıda belgilep berilgen. Konstituciyamızdıń 37-statyasında «Hár bir shaxs miynet qılıw, erkin kásip tańlaw, ádil miynet shárayatlarında islew hám nızamda kórsetilgen tártipte jumıssızlıktan qorǵanıw huqıqına iye.
Bólimge, Qońırat rayonı “Xorezm” APJ aymaǵında jasawshı puqara S.A. múrájáát etip ol, óz múrájáátinde «Men ulıwma orta bilim beriw mektebinde máwsimlik ot jaǵar bolıp jumıs isledimymen, bir ózim mektep imáratında kómir menen jaǵılatuǵın oraylasqan qazanxanada kúni-túni jumıs isleymen, smenada ot jaǵar shtatı ajratılǵan yaki ajratılmaǵanlıǵın bilmeymen, qıstıń kúni kómir óship qalsa qazanxana tońlap qaladı, jumıs shárayatım jaqsı emes, aylıǵım 850 000 mıń swm, mektep direktorı meniń bir ózimdi isletip qoydı. Ot jaǵar smena menen islewi kerek emes pe? Kúni-túni islegenim ushın meniń aylıq is haqım kóbeymeyme?” dep jazǵan múrájááti úyrenilip shıǵılıp tómendegiler anıqlandı.
Haqıyqatındada, puqara S.A. Qońırat rayonı ulıwma orta bilim beriw mektebiniń 21.10.2024 jıldaǵı buyrıǵı menen usı mekteptiń filialına ot jaǵar lawazımına jumısqa qabıl etilgen. Is beriwshi hám xızmetker ortasında miynet shártnaması dúzilgen. Xızmetker S.A mektepte ot jaǵar lawazımında islep kelip bir ózi kúni-túni jumısta bolǵanlıǵı málim boldı.
Biziń turmısımızda puqaralar óziniń huqıq hám erkinliklerin bilsede jumıstan ayrılıp qalmaw maqsetinde jumıslarǵa ıktıyarsız túrde jumsalıw jaǵdayları ushrasıp turǵanı sır emes.
Is beriwshi, Qońırat rayonı ulıwma orta bilim beriw mektebi direktorı Sh.E mánsapdar shaxs bola turıp, Ózbekstan Respublikası Miynet Kodeksiniń bir qatar statyalarında kórsetilgen talaplardı turpayı túrde buzılıwına jol qoyǵan.
Solay etip, Qońırat rayonı ulıwma orta bilim beriw mektebi direktorı Sh.E mansapdar shaxs bola turıp ózine júkletilgen wazıypalardı lazım dárejede orınlamastan, miynet haqqındaǵı nızam hújjetlerin buzǵanlıǵı anıqlandı.
Múrájáátti úyreniw nátiyjesinde, mektep direktorı Sh.E Ózbekstan Respublikası HJhK-niń 49-statyası 1-bóliminde kórsetilgen hákimshilik huqıqbuzarlıktı islegen dep tabılıp oǵan bazalıq esaplaw muǵdarınıń 5 esesi muǵdarında hákimshilik járiyma salındı.
Qońırat rayonı yuridikalıq xızmet
kórsetiw orayı bas yuriskonsulti B.Nuratdinov.