Янгиликлар
24
Perzentlikke alıwdı rásmiylestiriw
Perzentlikke alıw bul - ózgeniń perzentin óz perzentleri qatarına teńlestirip alıw. Óz perzentleri menen teń huqıqlardı perzentlikke alıwshıǵa qarata beriw hám shańaraqqa qabıl etiw.
Ózbekstan nızamshılıǵı perzentlikke alıwshılar ushın tómendegi talaplardı belgileydi:
Perzentlikke alıwshı hám perzentlikke alınıwshılardıń jasındaǵı ayırmashılıq keminde 15 jas bolıwı kerek (ógey áke hám ógey ana tárepinen perzentlikke alıw buǵan kirmeydi).
Tómendegi shaxslar perzentlikke alıwshı bola almaydı:
Ata-analıq huqıqınan ayırılǵanlar yamasa sheklengenler
Qarım-qatnasqa uqıpsız yamasa qarım-qatnas uqıbı sheklengen dep tabılǵanlar.
Nerv kesellikleri yaki narkologiya mákemelerinde dizimde turıwshılar
Bilqastan islengen jınayatlar ushın húkim etilgenler.
2021-jılǵı nızam joybarına bola, perzentlikke alıwdan aldınǵı 1 jıl dawamında turaqlı dáramatqa iye bolmaǵan yamasa aylıq miynet haqısı miynetke haqı tólewdiń eń az muǵdarınan az bolǵan shaxslardıń perzentlikke alıw huqıqı sheklengen.
Bala qaysı mámleket puqarası bolsa, sol mámlekettiń wákillikli uyımınıń razılıǵı kerek boladı.
Bunday islerdi kórip shıǵıwda sud tek ǵana arza beriwshi jasaytuǵın mámleket nızamshılıǵın emes, al Ózbekstan Respublikasınıń xalıqaralıq shártnamaların da esapqa aladı.
Perzentlikke alınǵan balalar barlıq jeke hám múlklik huqıqlarda perzentlikke alıwshınıń óz balalarına teńlestiriledi. Sonıń menen birge:
Perzentlikke alınǵanlar hám olardıń ata-anası (sonıń menen birge tuwısqanları) bir-birine salıstırǵanda jeke hám múlklik huqıqların joǵaltadı.
Perzentlikke alıw sırın járiyalaw jınayıy juwapkershilikke sebep boladı.
Perzentlikke alıwdı haqıyqıy emes dep tabıw hám perzentlikke alıwdı biykarlaw haqqındaǵı dawa menen tómendegi shaxslar sudqa múrájat etiwi múmkin:
Perzentlikke alınıwshınıń ata-anası
Prokuror
Qáwenderlik hám ámengerlik shólkemleri
Balalar máseleleri boyınsha komissiyalar
On altı jasqa tolǵan perzentlikke alınǵan bala.
Statistikalıq maǵlıwmatlar
Ózbekstanda perzentlikke alıw boyınsha statistikalıq maǵlıwmatlar:
Ózbekstan Respublikasında perzentlikke alıw - bul quramalı huqıqıy process bolıp, ol balanıń eń jaqsı máplerin qorǵaw principine tiykarlanadı. Nızamshılıq turaqlı túrde jetilistirilip, balalardı nızamsız perzentlikke alıw, ásirese, balalar sawdası sıyaqlı jaǵdaylardıń aldın alıwǵa qaratılǵan. Perzentlikke alıw institutınıń rawajlanıwı ata-ana qaramaǵınan ayırılǵan balalardı shańaraq ortalıǵında tárbiyalaw imkaniyatın keńeytiwge xızmet etpekte.
Nókis qalası ádillik bólimi
Mámleketlik xızmetler orayı
aǵa qánigesi J.Paraxatova