Янгиликлар
24
Nızamshılıqtaģı jańalıqlar
2025-jıl 1-iyuldan:
2028-jıl 1-yanvarǵa shekem kishi hám orta biznes subektlerine jańa minnetlemeler júkleniwin názerde tutatuǵın normativ-huqıqıy hújjetlerdi qabıl etiwge moratoriy járiyalanadı;
- isbilermenlik subektlerine jańa tártipke salıw quralların belgilewdi yamasa ámeldegilerin kúsheytiwdi názerde tutatuǵın normativ-huqıqıy hújjetlerge "birden-bir sáneden jańa qaǵıydalar" principi qollanıladı hám bul normalardıń kúshke kiriw sánesi 1-yanvar yamasa 1-iyul etip belgilenedi;
- 2028-jıl 1-yanvarǵa shekem "Birinshi imkaniyat" principi engiziledi hám onıń sheńberinde birinshi jumıs jılı dawamında sawda hám isbilermenlik tarawlarına baylanıslı hákimshilik huqıqbuzarlıqtı birinshi márte islegen kishi isbilermenlik subektleri hákimshilik juwapkershilikten azat etiledi.
- 2025-jıl 1-sentyabrden baslap tómendegi kriteriyalarǵa bir waqıttıń ózinde juwap beriwshi kishi hám orta biznes subektleriniń jumısın ıqtıyarıy ráwishte saplastırıwda salıq tekseriwi ótkerilmeydi:
- sońǵı úsh jılda tovarlardı (xızmetlerdi) realizaciyalawdan alınǵan jámi dáramat 10 milliard swmnan aspaǵan;
- byudjet hám kreditorlar aldında qarızdarlıǵı joq hám turaqlı tárizde salıq esabatların usınatuǵın;
- "Qáwip-qáterdi tallaw" elektron sistemasında huqıqbuzarlıq islew qáwpi tómen dárejede klassifikaciyalanǵan.
Sonday-aq, Ekonomika hám finans ministrligi mámleketlik úlesi 50 procentten joqarı bolǵan kommerciyalıq bankler hám de venchur fondları menen birgelikte 2026-jıl 1-aprelge shekem sırt elden 50 million AQSh dolları muǵdarındaǵı qarjılardı tartıwı belgilengen.
Nókis qalası ádillik bólimi baslıǵı O.Djumaniyazov