Янгиликлар
24
Konstituciyada sırtqı siyasat
Sońǵı jıllarda Yevropa awqamı hám Ózbekstan arasındaǵı baylanıslar tez rawajlanbaqta. 2025 jıldıń báhárinde Samarqand qalasında birinshi márte Yevropa awqamı hám Oraylıq Aziya mámleket basshıları qatnasında Sammit bolıp ótti. Onda Prezident Shavkat Mirziyoyev Yevropa menen strategiyalıq sheriklikti bekkemlew boyınsha áhmiyetli usınıslardı alǵa súrdi. Nátiyjede, sawda, sanlı texnologiyalar, ekologiya hám transport tarrawlarında kóp milliard dollarlıq kelisimlerge erisildi.
Prezidentimiz sırtqı sıyasatta jaqsı shegaralaslıq sıyasatın áhmiyetli jónelis dep biledi. Ózbekstan, Qırǵızıstan hám Tájikistan ortasındaǵı uzaq jıllar dawam etken shegara máseleleri aqırı óz sheshimin tawmaqta. 2025-jıl mart ayında Xojent qalasında úsh mámleket basshıları táriyxıy ushırasıw ótkerip, shegara demokratiyası boyınsha pitimge qol qoyıldı. Bul mámleketleraralıq isenimdi kúsheytirip qoymastan, bálkim pútkil aymaq qáwipsizligine xızmet qılmaqta.
Ózbekstan Respublikası xalıqaralıq qatnasıqlardıń tolıq huqıqlı subyekti esaplanadı. Ózbekstannıń sırtqı siyasatı mámleketlerdiń suveren teńligi, kúsh qollanbaw yamasa kúsh penen qáwip salmaw, shegaralardıń buzılmawı, mámleketlerdiń aymaqlıq pútinligi, kelispewshiliklerdi tınısh jol menen sheshiw, basqa mámleketlerdiń ishki islerine aralaspaw principlerine hám de xalıqaralıq huqıqtıń ǵalabalıq tán alınǵan basqa da principleri hám normalarına tiykarlanadı.
Ózbekstan Respublikası mámleketler hám xalıqaralıq shólkemler menen eki hám kóp tárepleme qatnasıqlardı hár tárepleme rawajlandırıwǵa qaratılǵan tınıshlıq súyiwshi sırtqı siyasattı ámelge asıradı.
Ózbekstan Respublikası mámlekettiń, xalıqtıń joqarı máplerine, onıń parawanlıǵı hám qáwipsizliginen kelip shıqqan halda awqamlar dúziwi, doslıq awqamlarına hám basqa mámleketleraralıq dúzilmelerge kiritiwi hám de olardan shıǵıwı múmkin.
Ózbekstan búgin tek Yevropa menen emes, bálkim Aziya hám Jaqın Shıǵıs mámleketleri menen de úzliksiz baylanıslar ornatpaqta. Birlesken Arab Ámirlikleri, Qıtay, Indoneziya sıyaqlı mámleketler menen sawda ekonomikalıq hám texnologiyalıq sheriklik keńeymekte. Mısalı ushın: Birlesken Arab Ámirlikleri menen ámelge asırılıp atırǵan iri investiciya joybarları energetika, sanaat hám infradúzilme tarawların óz ishine alǵan.
Prezidentimiz baslaması menen Ózbekstan Rosiyya menen sheriklikte kishi model atom elektr stansiyası qurılısına kiristi. Bul joybar mámleket energetika ǵarezsizligin támiyinlew, sanaat tarmaqların rawajlandırıw hám jasıl energiyaǵa ótiwde zárúr áhmiyetke iye boladı.
Juwmaqlap aytqanda, Prezidentimiz sırtqı sıyasatta ashıqlıq, ózara máp, suverenitettiń húrmet qılıw hám tınıshlıq súyer qaǵıydalarına tiykarlanıp háreket qılmaqta. Onń alıp barıp atırǵan siyasatı Ózbekstandı dúnya júzlik dırejesinde tanıtpaqta, aymaqta tınıshlıq hám tatıwlıqtı bekkemlewge xızmet qılmaqta. Bugingi Ózbekstan sırtqı sıyasat maydanında ayrıqsha, isenimli hám keleshekte umıtılǵan mámleket tiykarında kózge túspekte.
Qanlıkól rayonı ádillik bólimi
PHAJ bólimi baslıǵı P.Avezova