Янгиликлар
23
Firma atamaların tańlawda nelerge itibar beriw kerek?
Firma atamaların tańlawda nelerge itibar beriw kerek?
Firma ataması yuridikalıq shaxs bolǵan kommerciya shólkeminiń individual atı bolıp, oǵan tiyisli tolıq huqıq yuridikalıq shaxs mámleketlik diziminen ótkerilgen waqıtta júzege keledi. Yuridikalıq shaxs tolıq firma atı menen birge qısqartirilǵan firma atına da iye boladı. Yuridikalıq shaxstıń firma atında onıń shólkemlestirilgen-huqıqıy forması kórsetiliwi kerek. (Mısal ushın «Firma atı» JShJ) Nızamda názerde tutılǵan jaǵdaylarda firma atında yuridikalıq shaxs iskerliginiń ózgesheligi kórsetiliwi kerek.
Firma atında:
1) mámlekettiń rásmiy atı, xalıq aralıq, húkimetler aralıq yamasa mámleketlik emes kommerciyalıq bolmaǵan shólkeminiń qısqartirilǵan yamasa tolıq atı (eger buǵan tiyisli mámleket organınıń yamasa shólkemniń ruxsatı bolsa, firma atına kiritiliwi múmkin);
2) tariyxıy yamasa Ózbekstan Respublikasında ataqlı bolǵan shaxstıń tolıq yamasa qısqartirilǵan atı, belgilengen tártipte beriletuǵın ruxsatsız;
3) firma atınıń iyesi, onıń iskerlik túri yamasa ol kelip shıqqan mámleket haqqındaǵı jalǵan yamasa qarıydardı shalǵıtıwı múmkin bolǵan belgiler;
4) jámiyet máplerine, adamgershilik hám etika principlerine qarsı bolǵan belgiler kórsetilmewi kerek.
Firma atında:
aldın Ózbekstan Respublikasında basqa yuridikalıq shaxs atına dizimnen ótkerilgen yamasa dizimnen ótkeriw sorap talapnama berilgen, ilgerilew ústin turatuǵınlıqqa iye bolǵan firma atları;
aldın Ózbekstan Respublikasında basqa shaxs atına dizimnen ótkerilgen yamasa dizimnen ótkeriwdi sorap talapnama berilgen, sonıń menen birge Ózbekstan Respublikasınıń xalıq aralıq shártnamalarına muwapıq dizimnen ótkerilmey qorǵalatuǵın tovar belgileri (xizmet kórsetiw belgileri);
belgilengen tártipte hámmege málim dep tán alınǵan tovar belgileri (xızmet kórsetiw belgileri);
belgilengen tártipte nızam hújjetleri menen qorǵalatuǵın tovarlar kelip shıqqan jerlerdiń atları menen, sonday atamadan paydalanıw huqıqına iye bolǵan shaxs atına dizimnen ótkeriw jaǵdayları bunnan tısqarı, aljastırıp jiberiw dárejesinde birdey yamasa olarǵa uqsas bolǵan belgiler de kórsetilmewi kerek.
Nókis qalası ádillik bólimi
Mámleketlik xızmetler orayı
jetekshi qánigesi R.Berdanov