Янгиликлар
23
“Madad” mámleketlik emes kommerciyalıq emes shólkemi Shımbay rayonı huqıqıy máslahat buyrosı tárepinen jıl basınan usı kúnge shekem ámelge asırǵan jumısları
“Madad” mámleketlik emes kommerciyalıq emes shólkemi Shımbay rayonı huqıqıy máslahat buyrosı tárepinen jıl basınan usı kúnge shekem ámelge asırǵan jumısları
Ózbekstan Respublikası Ministrler Kabinetiniń 2019-jıl 6-sentyabrdegi “Xalıqqa huqıqıy málimleme jetkeriw hám yuridikalıq járdem kórsetiw sistemasın bunnan bılay da jetilistiriw ilajları haqqında”ǵı 741-sanlı qararı hám Ózbekstan Respublikası Prezidentiniń 2024-jıl 24-maydaǵı “Hákimshilik reformalar sheńberinde ádillik uyımları hám mákemeleriniń juwapkershiligin jáne de arttırıw hám ıqsham basqarıw sistemasın qáliplestiriw haqqında”ǵı PP-80-sanlı Pármanına muwapıq, “Madad” mámleketlik emes kommerciyalıq emes shólkemi Shımbay rayonı huqıqıy máslahat buyrosı tárepinen, xalıqtıń huqıqıy mashqalasın sheshiwde biypul huqıqıy máslahatler hám birlemshi yuridikalıq járdem berilip kelmekte hám xalıqtıń huqıqıy sanası hám huqıqıy mádeniyatın arttırıwda rayon ádillik bólimi menen birgelikte rayonımızda jaylasqan mákan puqaralar jıyını hám awıl puqaralıq jıyınlarına barıp puqaralarıń qıynap júrgen huqıqıy mashqalaların úrenip tiyisli huqıqıy máslahatler hám yuridikalıq járdem berip kelinbekte.
2025-jıl dawamında buyro tárepinen 1099 puqaraǵa biypul huqıqıy máslahatler berildi, 122 puqaraǵa ámeliy járdem kórsetilip sonnan 63 puqaraǵa sudqa puqaralıq huqıqıy máseleleri, shańaraq, uy-jay, miynet qatnasıqları hám basqada máseleler boyınsha yuridikalıq processual hújjetleri tayarlap berildi. Sonday-aq 50 puqaraǵa Huqıq qorǵaw hám basqa mámleketlik uyımlarǵa múrájat etiw ushın huqıqıy hújjetler (arza, usınıs hám shaǵım) tayarlap berildi.
Ótken 5 ay dawamında buyro tárepinen rayonımızda jaylasqan 19 mákan puqaralar jıyını hám awıl puqaralar jıyına barǵan halda awızeki túrde úgit-násiyat jumısları ámelge asırıldı. Sonday-aq “Madad” mámleketlik emes kommerciyalıq emes shólkemi tarepinen jaslardıń huqıqıy sawatqanlıǵın asırıw maqsetinde usı jıldıń 25-aprel sánesinen 25-may sánesi aralıǵında “Har bir yoshga huquqiy madad” akciyası shólkemlestirilgen bolıp bul akciya sheńberinde Berdaq atındaǵa Qaraqalpaq mámleketlik universiteti Shımbay fakultetinde, Shımbay rayonı poletexnikumda hámde rayon aymaǵındaǵı jaylasqan 48 mektepte keń kólemli ilájlar shólkemlestirilgen bolıp bul ilájǵa 1000 aslam jaslarımız qatnastı.
“Madad” mámleketlik emes kommerciyalıq emes shólkemi Shımbay rayonı huqıqıy máslahat buyrosı tárepinen puqaralardıń birinshi náwbette kem támiynlengen shańaraqlar hám mayıplılıǵı bolǵan shaxslarǵa biypul huqıqıy máslahatler hám yuridikalıq xızmet kórsetip kelinbekte.
“Madad” mámleketlik emes kommerciyalıq emes shólkemi
Shımbay rayonı huqıqıy máslahat buyrosı bas qánigesi S.Daumenov